Dirty Skillet

營業中

休息中

最近見到好多朋友介紹呢間餐廳，見到佢有旋轉木馬好靚，一直都好想嚟試吓，今日咁啱同朋友慶祝生日，佢又喺附近返工，咁就一於嚟試吓啦。雖然六點幾嚟到，但係已經好多客人，如果想黎既記住book位啦。一入去已經見到佢嘅裝飾好靚，有好多旋轉木馬，好適合打卡，相信所有女仔見到都會好開心。一開始我哋就叫咗兩杯飲品，又係賣相好靚，有一塊真嘅大菠蘿同埋一個菠蘿裝飾，真係好適合影相。首先前菜方面我哋叫咗個燒牛肉沙律，本身以為好細碟，估唔到佢嘅牛肉好多，而且牛肉好嫩滑，配埋新鮮嘅生菜真係越食越開胃。另外我哋仲叫咗個燒牛肉配薯條，牛肉煮嘅時間啱啱好，牛味好充足，而且半生熟食落好嫩滑，咬落完全冇筋，真係好推薦大家試吓。甜品方面，因為有朋友生日，佢嘅甜品放咗喺一個旋轉木馬上面，一路轉之外仲有生日歌，真係好適合慶祝。朋友見到都好開心，而且我地不停影相影咗好耐，侍應們都唔覺得煩，服務態度真係好好。呢間餐廳除咗靚之外，服務態度都好好，好適合聚會或者慶祝生日。