家賀屋刺身寿司專門店

今晚同朋友慶祝生日🎂揀咗一間日式風情的居酒屋，木系裝潢簡約又溫暖，座位佈景係富士山影像，餐廳仲有畫碟服務，好有心思。🐠真鯛薄造（15片）真鯛刺身薄切晶瑩剔透，入口滑潤而柔軟，帶有鮮甜和天然油脂嘅香氣。🍣海膽龍珠卷紫菜包住醬油漬蛋黃、細滑嘅吞拿魚蓉、鮮甜海膽，層次感豐富，米飯軟糯恰到好處。🐟味醂雞泡魚乾帶有薄薄嘅焦香感，做助酒小食一流。🐤明太子雞翼外皮烤得金黃酥脆，雞肉餡嫩滑多汁，明太子嘅鹹香味和雞肉嘅鮮嫩搭配得完美。🦪吉列廣島蠔炸至酥脆金黃，蠔肉鮮甜肥美，保留它原有"鮮”味道。🥟鹽燒半切雞皮餃子串（2串）雞皮外層烤至酥脆，餃子餡料軟嫩多汁，層次鮮明。🐔汁燒免治雞軟骨棒每次去居酒屋必點，軟骨被細細剁碎，混合免治雞肉後製成棒狀，烤得焦香欲滴，口感軟中帶脆，沾少少蛋黃特製醬汁食。🍤吉列海蝦吉列外層酥脆，海蝦肉質緊實彈牙，味道鮮甜，配搭沙律醬一齊食。🍨特濃開心果雪糕脆窩夫杯畫碟好有心思，特別要求Chikawa畫碟，開心果雪糕入口滑順，帶着開心果嘅馥郁芳香，加埋堅果顆粒感，窩夫香脆。🥤飲品巨峰提子乳酸梳打酒：酸酸甜甜，帶著乳酸梳打嘅清爽氣。橙汁燒酎：酸甜嘅橙汁中和燒酎的力度。