呢度嘅厚燒牛肉非常高質，佢嘅牛肉牛味好夠，而且燒嘅時間啱啱好，一開始師傅會俾咗新鮮嘅食材我哋睇先，嗰陣已經見到食材好高質啦，估唔到食落仲更加有驚喜。
2
呢個龍蝦又係一個打卡位，師傅會提醒你準備點火，大家都準備好相機去影低點貨嗰一刻，真係又壯觀又靚呀。而且佢嘅龍蝦食落都好新鮮，唔單止拎嚟打卡，食落都好好食㗎。
而我就最鍾意呢個龍蝦湯，因為佢係用燒香咗嘅蝦頭嚟煮，飲落非常香口，而且仲有少少龍蝦肉，感覺完全冇味精，非常清甜。
呢度最特別嘅就係，慶祝生日嘅話，就會有生日公仔碟。而且廚師仲會用醬料喺鐵板度寫出生日快樂，真係好適合影相同打卡。
呢間餐廳又好食，生日公仔碟又得意，而且佢嘅位置都好闊落，啱晒一大班朋友嚟慶祝或者gathering。
