影片
更多
2021-12-05
59 瀏覽
之前嚟過一次，幾鍾意呢度嘅環境，全店走木系風格 ，埋邊有一大排窗好開揚👍🏻 呢日舊同事飯局前想搵個地方舒舒服服傾吓計而又坐得耐，就諗起呢度。週五嘅下晝4點幾嚟到，人唔算多，我哋就被安排喺一邊嘅梳化位坐！原先諗住有得坐梳化應該會幾舒適，不過張梳化有啲矮同埋好凹，大家一致都覺得唔係太舒服🤭由於7點就食飯，所以同朋友只係各自叫咗杯嘢飲，另外再叫個小食。朋友要咗杯叫做”Old Rubbish”嘅益力多特飲，表示要襯托返自己old seafood嘅身份😏 而我就叫咗杯dirty。兩杯味道都OK👍🏻食物方面原先只想叫啲好light嘅嘢，留肚食晚餐，不過見到有個泡菜炸雞嘅配搭好似幾有趣，就忍唔住叫咗。炸雞嘅雞肉出奇地嫩滑，好juicy，再沾上wasabi沙律醬，忍唔住一件接一件咁食，最後仲俾我清左碟😋😋呢度嘅員工感覺幾care free，不過亦可能因為咁員工普遍都唔太attentive，有時要舉咗手一排先有人理。不過幾好嘅係雖然佢寫係話個半鐘交枱，不過我哋應該坐耐咗少少都冇人催，呢點係值得讚嘅👍🏻 或者佢哋嘅服務就正正係呼應返呢度嘅店名”HOW to live well”，俾客人有充份空間去體驗ho
呢日舊同事飯局前想搵個地方舒舒服服傾吓計而又坐得耐，就諗起呢度。週五嘅下晝4點幾嚟到，人唔算多，我哋就被安排喺一邊嘅梳化位坐！原先諗住有得坐梳化應該會幾舒適，不過張梳化有啲矮同埋好凹，大家一致都覺得唔係太舒服🤭
由於7點就食飯，所以同朋友只係各自叫咗杯嘢飲，另外再叫個小食。
朋友要咗杯叫做”Old Rubbish”嘅益力多特飲，表示要襯托返自己old seafood嘅身份😏 而我就叫咗杯dirty。兩杯味道都OK👍🏻
1 瀏覽
0 讚好
0 留言
食物方面原先只想叫啲好light嘅嘢，留肚食晚餐，不過見到有個泡菜炸雞嘅配搭好似幾有趣，就忍唔住叫咗。炸雞嘅雞肉出奇地嫩滑，好juicy，再沾上wasabi沙律醬，忍唔住一件接一件咁食，最後仲俾我清左碟😋😋
3 瀏覽
0 讚好
0 留言
呢度嘅員工感覺幾care free，不過亦可能因為咁員工普遍都唔太attentive，有時要舉咗手一排先有人理。不過幾好嘅係雖然佢寫係話個半鐘交枱，不過我哋應該坐耐咗少少都冇人催，呢點係值得讚嘅👍🏻 或者佢哋嘅服務就正正係呼應返呢度嘅店名”HOW to live well”，俾客人有充份空間去體驗how to live well, eat well, chat well 🤪 喺尖沙咀鬧市有個咁嘅地方hea吓實在係幾唔錯！
張貼
