味火鍋 (雅仕洋樓)

哩間無限時火鍋放題堅抵食! 帶個咀刁friend黎食佢都話滿意😏$318/人咋😍 玻璃樽汽水，茶飲任飲基本啦，但又龍蝦又鮑魚又盛咁堅多野食! 每枱有小食4款有木耳+中華沙律+拍青瓜+雞軟骨，味道都唔錯。🦞芝士焗波士頓龍蝦🦞+🦪芝士焗美國生蠔🦪咀刁friend認證龍蝦肉新鮮彈牙，焗蠔除左濃濃芝士香外，亦juicy有蠔味。哩度既鍋底一d都唔馬虎，藥膳醉雞湯底🐥放低已聞到藥膳香，醉雞半隻入味肉嫩，又唔肥膩👍🏻🐟時令海鮮拼🐟好多款而且種種新鮮，上枱時鮑魚仲旭下旭下好生猛!! 蟶子皇好正囉成大抽肉又鮮甜😋海蝦彈牙鮮味，鮑魚都好鮮嫩! 仲有大元貝，新鮮龍躉片，自家製手打墨魚丸and蝦丸，廣島蠔，蟹棒。🐮美國安格斯牛肉拼盤🐮牛拼盤都有火鍋邊食既牛小排，牛肩胛，封門柳同埋牛板腱，肉大片又唔會勁單薄，有牛味有口感。🥬蔬菜拼盤🥬佢砌得都好有心機，顏色同蔬菜種類明顯有搭配過，細細一盤已有唔同顏色，7款蔬菜，感覺好有誠意🫶🏻另外用qr code可追加其他火鍋料，雖然已經飽左但都叫左響鈴，炸魚皮，芋頭貢丸，餃子，放題就係咁，食到飽滿口腹之慾😂仲要依度無限時可以慢慢食，無壓力😋