影片
更多
2006-06-12
10 瀏覽
煙雨濛濛既週日﹐成三點幾先出門﹐好彩趕上三點五十分既加班船去南丫島。已經係第三次黎南丫島﹐但前兩次都係平日黎﹐所以未有機會黎Shelly試餅﹐今次可以話係專程到訪。小店環境好雅緻﹐我地入去既時候淨番廚房出面一張單邊檯﹐咁當然好正啦﹐我最怕隔離左右有人。檯上除左有一瓶花﹑有糖之外﹐仲有一把大葵扇。店內ventillation查實一流﹐不過貪玩既我都照樣拎黎潑兩潑。Menu既排列好有心思﹐芝士餅由味道最清淡排到最濃。經Shelly細心介紹後﹐我地就揀左Tofu同Mango。飲品方面我仲特意叫左一杯清香既Lemongrass Tea。Tofu的而且確係名不虛傳﹐豆腐味道濃﹐質感有如一舊比較實淨既甜豆腐﹐未能講得上係絲一般軟滑﹐但係就好bring out到大豆既味道﹐芝士餅係變成餅本身既形式﹐芝士味近乎食唔出。甜度似乎比跑馬地Aries略高﹐但幸好嘗能夠保持味道清新而不膩。餅底係我平生食過既Cheesecake之中最薄﹐但係絕對承托得起餅身﹐而且打得好好﹐絕對唔會好似某D餅店般硬掘掘。阿B點既Mango 證明左芒果肉大粒唔會令餅身企唔穩﹐完全係功夫既問題。話就話係menu第2清淡既餅﹐但係其實
小店環境好雅緻﹐我地入去既時候淨番廚房出面一張單邊檯﹐咁當然好正啦﹐我最怕隔離左右有人。檯上除左有一瓶花﹑有糖之外﹐仲有一把大葵扇。店內ventillation查實一流﹐不過貪玩既我都照樣拎黎潑兩潑。Menu既排列好有心思﹐芝士餅由味道最清淡排到最濃。經Shelly細心介紹後﹐我地就揀左Tofu同Mango。飲品方面我仲特意叫左一杯清香既Lemongrass Tea。
Tofu的而且確係名不虛傳﹐豆腐味道濃﹐質感有如一舊比較實淨既甜豆腐﹐未能講得上係絲一般軟滑﹐但係就好bring out到大豆既味道﹐芝士餅係變成餅本身既形式﹐芝士味近乎食唔出。甜度似乎比跑馬地Aries略高﹐但幸好嘗能夠保持味道清新而不膩。餅底係我平生食過既Cheesecake之中最薄﹐但係絕對承托得起餅身﹐而且打得好好﹐絕對唔會好似某D餅店般硬掘掘。
阿B點既Mango 證明左芒果肉大粒唔會令餅身企唔穩﹐完全係功夫既問題。話就話係menu第2清淡既餅﹐但係其實口味已經重唔少﹐所以Shelly都話如果兩件餅share黎食就試左Tofu先比較好。芒果玉食得出好新鮮﹐cream cheese亦都balance得極之巧妙﹐呢一點亦令我相信Shelly技藝精湛﹐每一件餅都係好有自己獨特既氣息﹐芝士餅作為形式﹐而用料似乎先係花旦﹐演繹既係最徹底既一場內心戲。
Cake decoration雖然簡單﹐但係唔止係一件切餅咁簡單。但係餅身係好home made feel﹐因為無膠紙封住去將形狀鞏固。
張貼