添好運點心專門店

營業中

休息中

慕名而來，係因為佢係香港站商場入面，個位都算隔zip，都係知道佢係道開左間分店先令我呢個港島人走過黎試。夜晚6點幾黎到，一黎到已經見到好多人，好多仲要係大陸自遊客，人頭湧湧。拎飛果陣阿姐會俾埋張點心紙你tick定先，終是同女友揀左蝦餃，糯米雞，豬潤腸，酥皮叉燒包同桂花糕。蝦餃：個皮厚度ok適中，但蝦略細隻，鮮味ok糯米雞：佢寫係古法糯米雞，但我食落去味道好普通，餡多，同埋都幾大件，無咩特別豬潤腸：豬潤味重，起哂沙，唔錯酥皮叉燒包：呢個正，真係要試下，一個有三件，個酥皮整得好好，叉燒汁甜，叉燒肉香桂花糕：呢個糕點又係正，桂香味好香，甜度論中，質地結實唔會鬆，真係要試下環境：d位都幾迫下，同埋我地咁岩坐左係路邊既位度，全程食野都俾人近距離望住，d大陸人又唔會理你咁一路指住你一路講，感覺好怪...總結：可能係我黎之前期望太高？所以覺得d野食唔算話特別"好好食"，但以呢個價錢既質素黎講都算好好，搵日真係要去番本店一試。