成記茶寮

營業中

休息中

今日咁啱有事去開元朗，做完嘢後緊係揾嘢食。一直以來好想試成記嘅豬扒雞球飯，聽聞係大件夾抵食，冇可能錯過啦。 查到地址後即刻去咗成記試食， 開頭諗住中午十二點幾實要等位啦，點知唔使直入有位座，我坐嘅系廚房位，對住大廚煎豬扒，睇住佢整好有動感呢！我同friend 坐低後，都唔使諗即刻嗌兩個豬扒雞球飯，飲品到凍ot + 凍milk tea Yup 。 等咗一陣後，兩碟豬扒雞球飯到啦！買相一d都唔差，碟飯竟然有五件雞球，一件好厚身豬扒……名副其實嘅大件夾抵食，正！而且好大陣豉油汁味，食指已經大動，我哋開飯…… 哇！冇得頂啊~ 雞球睇落好大件，我以為會好硬繃繃，點知好驚喜啊，竟然系軟滑鬆軟，仲有啖啖豉油味，然後我哋試豬扒，一樣驚喜呢！雖然好厚身但都有豉油味，而且果扒系熟嘅仲冇血水出，出邊有d餐廳會煮到唔熟兼見血水，同雞球一樣都喺好軟熟噶，一d都唔硬，都唔洗用刀cut 扒……我衹能講一句，好味好好味！豉油甜咸味適中，豬扒雞球配合豉油，味道剛剛好，互相融合，達至到不搶大家嘅鮮味，而且仲要好味道！飲品方面正常普通啦，奶茶有奶茶味，檸茶有檸茶味囉，合格！