細蓉記 (已結業)

呢間新開既細蓉記態度所有服務員既態度真係"好到不得了"，要個個都一致咁hea真係難得！呼救式搵人落單叫左10分鐘先成功(但個場其實唔夠4台客)，問你食咩好似你逼佢返工咁，响個客對腳隔離打爛碗碟唔好意思都無聲，仲要勁耐先去清理，服務員若無其事繼續hea，俾錢企响cashier等左成5分鐘都無人黎，終於有個阿姐經過加眼神接觸，但阿姐繼續散住步行入廚房吹水，完全當睇你唔到，終於行返出黎我請佢幫我收錢佢話佢唔收錢既，要等個經理執完枱先再收到錢。唔該晒！😑新開都咁，開耐d應該貴客自便，不設招待！其實，食物既質素都係麻麻地，咁樣招呼客人，點做落去呀⋯⋯唔怪之得每次黃金時間行過都無咩人，中晒伏！