The Point - Pizza & Pasta (青衣城) (已結業)

今日約了朋友食lunch，小朋友鍾意食pizza，平時食開青衣城pizza express，見呢間新開所以想試下，早一日經openrice book檯。今日11:30早到半個鐘頭，好少人，要求坐窗邊位被拒，原因係已經被人book了。OK，好小事...點知之後...Order完食物後每次上菜都係大力放喺檯邊，要你自己搬，好有茶餐廳feel，問侍應攞叉做「公叉」，比一隻叉（我地有7個人），再問就比一堆至少10隻叉同匙羹你；我個女坐high chair無比碟佢，問佢有無小朋友碗碟，佢就一疊4隻碟放喺佢面前。其實除左order食物有回應之外，叫親侍應都係黑面無反應，跟住就大大力掉D嘢喺檯邊，態度超級惡劣，特別係一個中年男侍應尤其有問題。食物方面，set lunch普普通通，無甚特別；pizza係好食，但態度如此惡劣都好難再有返頭客。價錢中等，有收加一，所以應該要有應有服務，感覺隔離南記服務都比呢間「餐廳」好。祝佢老闆好運！