瑞士餐廳

營業中

休息中

Item: 瑞士餐廳
Author: griffoneo

The Swiss Chalet

308 食評

味道

環境

服務

衛生

抵食

17355

尖沙咀

$201-400

瑞士菜

206

griffoneo

等級1

早前因為女朋友生日, 想同佢食D特別D既野. 原本想同佢去半島食瑞士芝士火煱, 但竟然滿晒, 原來要兩個星期前訂... 臨急臨忙找到尖沙咀有間”端士餐廳” (The Swiss Chalet), 上呢度睇過D評價好似幾好, 於是就扑鎚訂枱.

一個星期前訂枱, 當日同女朋友準時去到, 接待處係個外國男人, 似乎係餐廳老闆, 講低左名之後等左5分鐘左右有位. 餐廳都有一半客人係西人, 而我發覺老闆對我地同其他本地人客好cool, 但對外個客人就勁非常友善, 不過心諗我黎食野o者無所謂, 可能人地同聲同氣會好D.

間餐廳差唔多全部侍應都係菲律賓人, 但有一個本地男人似係經理/部長咁. 餐廳裝飾都幾得意.

之後我叫個男經理落單. 我之前已經係網上做左功課, 所以我就叫左大部份人都推介既野, 包括烘端士芝士, 芝士火煱, 瑞士炒牛仔肉. 不過好搞笑係個男經理落單好茶餐廳feel, 我好禮貌問佢”芝士火煱係咪有幾種芝士揀?”, 佢木口木面答”乜芝士都齊晒架啦!!” 落完單佢好快咁搶左我地本menu. 不過, 個男經理對其他外個人客完全係180度態度, 殷勤有禮笑口噬噬. 其實其他侍應同個老闆都係咁, 不過無呢個人咁明顯…

之後食物到, 其實芝士火煱我都係第一次食, 食落甜甜地有D酒味都幾得意, 不過食埋個烘瑞士芝士都幾滯. 後來到個瑞士炒牛仔肉黎到, 我同女朋友食完都呆左, 因為D牛仔肉係非常非常之鞋, 簡單黎講直頭係D煲湯瘦肉咁, 而且係完全無味既. 我地食左少少, 忍唔住想問下佢地其實D質地咁樣係咪正常? 定還是我地呢碟有問題? 我問左一個女待應, 佢聽完竟然走開左唔理我地…… 跟住頭先個男經理經過, 我再問佢同一個問題, 我話我地食過D牛仔肉好鞋喎, 我想問係咪我地呢碟有問題? (我好肯定我係好有禮貌咁問). 個男經理木口木面一句野都無講, 無答過我, 即刻搶左我地碟野拎返入廚房, 之後佢繼續去serve D外國人無再理我. 我即時唔知點反應好, 亦都覺得好監介因為唔知個男經理係乜野意思.

我地坐左10分鐘左右, 個男經理走黎個地張枱劈低本menu, 話”咁你想換乜野呀?” 搞到我女朋友都呆左. 我話”我唔係話要換野, 我根本只係想問你D牛肉本身個質地正常應該係點?” 佢話”係嫩既” 我話”咁其實碟野你地check過係咪唔正常呢? 其實我根本想問呢樣野之麻” 佢話”係唔正常架!!” 我呆左一時唔知點應佢. 佢話”我唔話你乜野, 依加碟野有問題無計架, 咁我咪問你換乜lor!”我肯定去茶餐廳D伙記態度都好過佢! 之後佢可能知我想同佢嘈, 佢就走開左無理過我.

後來佢應該講左比佢老闆聽, 之後個外國人老闆就黎同我地傾左兩句. 佢話完全同意我地講法D牛仔肉係有問題既, 話會幫我地取消左個牛仔肉, 叫我地揀另一樣菜黎換啦, 最後我地都無乜心情, 是但揀左個凱撒沙律. 跟住我問你地個經理發生乜野事? 點解佢個態度可以差成咁? 我覺得好frustrated. 而個老闆當然都無回應我呢件事.

期間我不時都望住個男經理點樣笑騎騎serve D外國客. 我係度諗如果佢自己性格問題就無辨法, 但佢好明顯係睇唔起本地人先至咁既態度, 特別係我地呢D後生D又睇落無乜錢既本地人. 最諷刺係佢自己係餐廳唯一一個中國人, 但竟然係佢對本地人態度最差. 另外個老闆, 我好肯定如果我係外國人佢對我態度亦都完全唔同.

其實我地隔離枱係坐左一枱外國人, 其中一個外國女士剛開始食一款瑞士炒牛仔肉, 我專登留意佢既表情. 我見佢一食第一啖即刻皺晒眉, 跟住細細聲同隔離朋友講左D野. 我相信根本成批牛肉都有問題. 雖然個女士無找職員反映過, 但我相信就算佢投訴, 得來既待遇同我係完全唔一樣.

另一件事係, 最後埋單時我睇下張單, 個牛仔肉根本就無cancel到!!!! 我立即同個女侍應講, 佢即刻走開隔一陣先出返張o岩既單比我!! 我唔明佢地究竟係點樣搞既!!

最後我地谷住一肚氣離開, 離開前吧枱有個女經理同我地講拜拜, 係我成晚入面唯一一個職員係對我地有笑容既. 但我已經決定唔會再黎呢度, 我好後悔唔係洗左$600蚊, 而係揀左呢個餐廳同女朋友慶祝生日.

所以, 我勸各位如果係想食開開心心既一餐飯, 就唔好黎呢度了. 當然如果你唔期望有乜服務, 只係想食野既就無所謂. 但以佢地當人唔係客的態度, 我就唔甘心比錢佢賺了. 大家如果會去呢度食就唔好就呢個人serve你, 唔係只會受氣!!