影片
更多
2017-12-02
946 瀏覽
間野為左令間鋪座滿人無所不用其極，成餐飯，「呢度搭一個」、「果度搭兩個」之聲始起彼落，從無間斷。即係食親呢類流水作業式既中式野或者糖水鋪，我都會預左既，但佢真係令人好唔pleasant。首先，有張六人檯，有一個係中間既吉位，我同我朋友兩個人，個阿姐叫我地攝入去，話︰「無所謂架，坐就坐，唔坐就俾下位」。無坐到，等一等，好在有雙人檯。但食左無耐，係真係食左無耐，阿姐即刻擺左張凳係我地隔離條走廊，並大聲講(阿姐同阿姐之間係大聲溝通)︰「兩位入面！」。我心諗邊度有兩個位﹖其實我諗阿姐可能expect 我朋友食完會走先，因為當時佢已經食左一半(只係一半)，我就食得慢好多(因為d 粥好熱)。喂我地一齊個wo，張單都係寫埋一齊，點樣其中一個走先﹖真係有一對公婆入左黎，見到咁既狀態佢地即走。仲有一樣我好唔鍾意既野係佢地會(大聲) 數算d 客人，不論當面定背後。唔知近門口個邊嘈過d 咩野，然後聽到佢地好話「頭先個男仔一d 素質都無」(「素質」係大陸用語)，我估都係座位既問題架喇，可能坐落左個客唔肯搬或者新客入黎見狀嘈左佢地幾句。之後又聽過佢地互叫「個客話碎牛呀」，「車佢頭先話滑牛」……而個客仲坐緊係度囉
無坐到，等一等，好在有雙人檯。但食左無耐，係真係食左無耐，阿姐即刻擺左張凳係我地隔離條走廊，並大聲講(阿姐同阿姐之間係大聲溝通)︰「兩位入面！」。我心諗邊度有兩個位﹖其實我諗阿姐可能expect 我朋友食完會走先，因為當時佢已經食左一半(只係一半)，我就食得慢好多(因為d 粥好熱)。喂我地一齊個wo，張單都係寫埋一齊，點樣其中一個走先﹖真係有一對公婆入左黎，見到咁既狀態佢地即走。
仲有一樣我好唔鍾意既野係佢地會(大聲) 數算d 客人，不論當面定背後。唔知近門口個邊嘈過d 咩野，然後聽到佢地好話「頭先個男仔一d 素質都無」(「素質」係大陸用語)，我估都係座位既問題架喇，可能坐落左個客唔肯搬或者新客入黎見狀嘈左佢地幾句。之後又聽過佢地互叫「個客話碎牛呀」，「車佢頭先話滑牛」……而個客仲坐緊係度囉。
Ok 我好均真既，我唔會話服務好差所以d 野食全部都唔好食只俾一粒星咁。個肉片粥，砂鍋上既，傳熱幾好，粥底都夠杰，唔會話食到尾出晒水咁。d 豬肉煲到岩岩熟，成塊仲係粉紅色咁，幾鮮嫩唔錯，同埋d 肉個份量都幾多，$24 黎講係算係抵食既。不過就係那個要受氣既問題，大家自己衡量。
張貼
