BAKE Cheese Tart (已搬遷) 新店位置

話說尋日同男朋友落去sogo地下覓食，見到呢間平時都有幫襯開嘅芝士撻，咁啱見到佢拎左一盆新嘅出黎就諗住買個食下。行到埋去都好有禮貌咁同職員講，想要一個剛剛拎出黎嘅，佢態度好差咁話「全部都係新鮮架喎」然後比左一個唔係新拎出黎嘅。當刻有啲無奈但都諗住算啦，然後一放埋口，嘩 凍嘅! 即刻行返去同個職員講，佢仲要好串咁答「係咁架小姐! 芝士撻係要凍架，唔凍啲芝士唔會流心架」然後我望一望個撻，請問流心左喺邊呢? 不過算，唔想同佢嘈就惟有忍左佢，但下次唔會再幫襯!講真你咁嘅服務態度，幾好食都唔會想幫襯你啦！