Joia

營業中

休息中

我覺得我生得幾似神秘顧客㗎！因為好多時去嘀餐廳，我覺得嘀人對我態度幾好，又有時會送下嘀小食呀，又打哂牙鮫咁，呢間餐廳我食過兩次Brunch，個主厨香港人好熱情，知道我姪女對甜品有興趣重俾佢去餐廳實習，當然冇錢收啦！但都係一個好好嘅體驗，佢哋嘀tiramisu 真係好正㗎～～我黎親呢層嘀餐廳其實都覺得好chill⋯嘀人唔係帶狗仔就帶鬼仔，當然我唔會輸蝕，我有狗仔！星期五晚黎真係好多人，係呢間重有戶外位，就再食呢間啦！happy hour 野飲買一送一太好啦！叫咗青口，生蝦，沙律，意大利飯青口呢樣野，好多人講冇新鮮得急凍，但我唔知點解有嘀餐廳就係可以煮到重係好嫩好有彈性！佢呢隻都唔算好細隻但煮得啱啱好！9.5分！留嘀位俾進步空間佢！嘩！但呢個生蝦有嘀出事！好薄，真係食唔到嘀咩，我朋友話對唔新鮮嘅蝦會敏感，佢同我講叫我食埋佢，我聽完真係進退兩難，唔食又嘥，食又對唔住自己，下次可唔可以唔好講唔新鮮果段呀？呢碟我唔見議嗌，其他ok 啦！坐下relax 下，又一日啦！