甜姨姨 (煙廠街)

營業中

休息中

每晚都見到大排長龍，難得long weekend竟然唔使排隊，梗係要試吓啦！可惜失網，想食嘅開心果甜品同心太軟全部都冇。  最後試咗木桶即撞豆腐花，味道一般，唔算特別驚喜，但賣相OK，旁邊仲有薏米，睇得出配搭有心思。  榴槤奶凍用泰國金枕頭製作，口感偏硬，食落近似雪糕，呢個質感反而令佢變得獨特。金枕頭夠甜，冇咗一般榴槤可能令人卻步嘅味道，接受度更高。  另外仲叫咗芒果布甸，感覺比較普通，冇太大驚喜。  裝修方面幾舒適，夜晚想搵地方坐吓都OK，但食物味道未必會令我再專程返轉頭。  其他客人主要都係叫刨冰，雖然我自己唔食冰，唔方便評論，但賣相確實吸引。