鴨仔冰室 (已結業)

觀塘不嬲都多嘢食，今次就揀咗呢間西餐廳，半開放式設計幾開揚，門口仲掛咗隻鴨仔，幾duck意！環境都幾闊落，仲用咗格仔枱布，充滿懷舊情調。南瓜湯口感細膩柔滑，味道香濃。燒豬仔髀配意粉($88)豬仔髀軟腍入味，肉質爽彈有咬口，意粉軟硬適中。鐵板西冷牛扒配薯條 ($158)西冷牛扒用咗懷舊鐵板，好有香港特色！牛扒火候可控制得好，唔會過熟同過油膩，肉質軟腍適中，醃得入味，入口鬆化多汁，肉味夠濃，口感嫩滑無渣。