影片
更多
2009-12-22
48 瀏覽
聖誕節,一班後生一定出尖沙咀行下啦... 原本我想book重慶大廈食咖哩,但我又好怕比人煩,最後我朋友都唔食curry,就放棄左食curry念頭啦..之後我就係openrice搜查下尖沙咀仲有咩好野食...我就見到isquare間名家.得一個食評,所以我好有心機睇,見到d相..我都好怕...嘩...咁grand,一定貴啦...睇睇下,見寫評人話價錢合理,我就booking個間餐廳啦.... 係isquare下面見到好多店舖仲未開,仲有新裝修o既味道,但你唔會反感,因為感覺汗淨, 去到27樓..我d朋友個樣好驚見到menu仲驚,佢地會覺得"嘩......咁大整蠱呀...我聖誕節都未過呀..."我就同佢地講,唔洗驚,等我叫野食啦...我就叫左個manageress 過黎,但佢唔識中文因為佢係正宗韓國人,佢就叫左男經理過黎,好有耐性幫我地點菜.我問佢有咩介紹,佢都好誠懇回答我, 落完單,就起碼有四個SEVICE我地7個,前菜有7款小食.,佢地見你邊碟食得多.就會問你仲想唔想要.添D比我地..之後我地D主菜到啦.. 忟牛肋骨...食完好滿足,唔硬唔腥...最緊要係D汁,可以撈
原本我想book重慶大廈食咖哩,但我又好怕比人煩,最後我朋友都唔食curry,就放棄左食curry念頭啦..之後我就係openrice搜查下尖沙咀仲有咩好野食...我就見到isquare間名家.得一個食評,所以我好有心機睇,見到d相..我都好怕...嘩...咁grand,一定貴啦...睇睇下,見寫評人話價錢合理,我就booking個間餐廳啦....
係isquare下面見到好多店舖仲未開,仲有新裝修o既味道,但你唔會反感,因為感覺汗淨,
去到27樓..我d朋友個樣好驚見到menu仲驚,佢地會覺得"嘩......咁大整蠱呀...我聖誕節都未過呀..."我就同佢地講,唔洗驚,等我叫野食啦...我就叫左個manageress 過黎,但佢唔識中文因為佢係正宗韓國人,佢就叫左男經理過黎,好有耐性幫我地點菜.我問佢有咩介紹,佢都好誠懇回答我,
落完單,就起碼有四個SEVICE我地7個,前菜有7款小食.,佢地見你邊碟食得多.就會問你仲想唔想要.添D比我地..之後我地D主菜到啦..
忟牛肋骨...食完好滿足,唔硬唔腥...最緊要係D汁,可以撈飯食又有飯送,亦可以添D飯
牛肉炒粉絲...炒得好乾身, 美中不足牛肉太細塊,
牛肉炒年糕...好似豬腸粉咁,如果你鍾意嚼野...都係一個不錯O既選擇
牛骨湯....又有面送..又係送呀....清湯帶甜
煎餃子....新鮮....又脆
泡菜炒飯....粒粒分明,有口感,顏色粒粒一樣..因為連菜一齊炒,D菜都會出水,但菜冇出水之餘仲係爽口
石頭雞肉拌飯,落咪韓式醬.冬天食一流呀...
食完之後,仲有飯後甜品,.....雪梨同柚子蜜....我自問我成日都飲柚子蜜,但方間D柚子蜜真係得個甜.但碗柚子蜜,飛機運到..好清,原味甜,飲完想一添再添..當然佢地都好歡迎送比你地呀....
其實我覺得佢地對食物真係有要求,只要客人食得開心,佢地都好開心,經理問我,點解你會知ISQUARE有間名家.我話上OPENRICE睇試,上黎試下啦..佢就介紹我到VIP ROOM,無敵大海景,飽覽成個維多利亞港,可隔聲,一間房可以有20人,消費都係三千蚊...,年初二放煙花,同一班朋友一路食一路睇煙花不知幾疏符...但各位,年初二已經比人BOOK左啦...大家可能要等國慶啦...
總括黎講..我對E間餐廳好滿意...服務真係同第一位寫評人一樣..好似貴賓咁賓至如歸O既感覺,好耐未出現過....食物有水準,無敵大海景,你係邊度搵呀...聖誕去食個BUFFET都800舊水啦...但買個開心都係100蚊,你話抵唔抵呀....
張貼
