Hungry Monkey (金朝陽中心二期 - Midtown) (已結業)

見到openrice有得book位，下午2點半或者3點都仲有位，另外仲話有8折，咁咪試下啦。叫完餐，無啦啦送個蕃茄頭盤，心想咁好服務？！即加分。到埋單時，先覺得伏。原來蕃茄頭盤係要硬食你28蚊，真係無諗過呢啲餐廳都要咁收費 另外，原來個8折係要3點半前埋單先有，但條款無寫清，你話book3點8折，又點3點半埋單？仲寫明可以食90分鐘，有陰人嘅感覺，感覺唔係咁老實。食物味道ok, 係比較細碟，食下食下其實都唔平，預平食要抵食嘅人唔推介，預人均400至500。