巷仔內

營業中

休息中

位於觀塘工業中心嘅「巷仔內」，由正宗台灣人主理，將地道台灣味道帶到香港，以實惠價格呈現質樸而真摯嘅台灣風情，無論係午市定晚市都係一個唔錯嘅選擇。  ✨必試推介🔥 手撕巨無霸炸全雞踏入生日月，提早預訂「生日炸雞蛋糕」，氣氛滿滿！（需三日前預約）  呢道菜絕對係餐廳嘅招牌！炸雞外皮薄而酥脆，炸得夠乾身又唔油膩，肉質嫩滑且充滿肉汁，配搭檸檬椒鹽，鹹香之中透著一絲清新。🍛 巷仔巨無霸排骨便當排骨大件又厚實，肉質酥香鬆嫩，仲有滷蛋，份外滋味。呢個便當係最能代表台灣便當文化嘅經典選擇，簡單又滿足。  塔香鹽酥雞 ＆ 🍟 賀甲薯條細細件嘅鹽酥雞炸到外脆內嫩，一上枱就香到爆，加上九層塔嘅點綴，鹹香撲鼻，係一口接一口停唔到手嘅台式小食。而賀甲薯條外層香脆，內裡綿密，適合一班朋友分享。  🍹 飲品推介「佛手柑蘇打」同「水蜜桃蘇打」，帶有清新果香，解膩一流！另外餐廳提供自助飲品區，午市點餐更送飲品一杯，晚市則可以任飲，冬瓜茶同綠茶都係人氣選擇，尤其綠茶，香濃回甘，飲過一定會愛上。  🏠環境與氣氛餐廳位於工廈內，裝修充滿台灣文青風，簡潔又帶點懷舊，座位寬敞，氣氛輕鬆舒適，非常適合朋友聚餐或者家庭用餐。