影片
更多
2021-11-26
231 瀏覽
遇到間超級有heart o既餐廳，感動到我留下人生第一次食評﹗話說小朋友生日，想搞搞新意思，就去左呢間墨西哥餐廳慶祝。由於小朋友真係超級鍾意pizza, 我地趁人少少嘗試問下，廚師知道小朋友生日竟然破例做左個off-menu o既pizza俾小朋友 (大家唔好學，否則餐廳多得我唔少), 本身對pizza無咩特別期望，純粹满足下小朋友，但一食停唔得口, 我一向最討厭芝士味，食某pizza連鎖芝心批一定要切左個芝心我先會放入口，但呢間餐廳o既pizza看似平平無奇，食落個pizza o既芝士竟然超級清新，拿上手完全唔油之餘，仲要好似麵包咁柔軟有彈性，同餐廳職員吹左幾句，原來墨西哥廚師好有性格，材料唔靚唔用，仲好講求溫度同牛油o既質量，所以佢地所有食品就算係taco 同nachos都唔會熱氣，聽完即刻叫多幾樣野試﹗除左pizza我最欣賞飲品、沙律同甜品﹗我地一家四口點了三杯飲品，一杯仙人掌汁、一杯牛油果汁同一杯洛神花茶、本來諗住俾小朋友每樣試一啖，點知三杯飲品都超級好飲，餐廳職員又話所有仙人掌都係自家種，佢地餐廳就有個小平台種满野，杯仙人掌汁就係由平台新鮮仙人掌去刺加蘋果汁, 味道超級fre
話說小朋友生日，想搞搞新意思，就去左呢間墨西哥餐廳慶祝。由於小朋友真係超級鍾意pizza, 我地趁人少少嘗試問下，廚師知道小朋友生日竟然破例做左個off-menu o既pizza俾小朋友 (大家唔好學，否則餐廳多得我唔少), 本身對pizza無咩特別期望，純粹满足下小朋友，但一食停唔得口, 我一向最討厭芝士味，食某pizza連鎖芝心批一定要切左個芝心我先會放入口，但呢間餐廳o既pizza看似平平無奇，食落個pizza o既芝士竟然超級清新，拿上手完全唔油之餘，仲要好似麵包咁柔軟有彈性，同餐廳職員吹左幾句，原來墨西哥廚師好有性格，材料唔靚唔用，仲好講求溫度同牛油o既質量，所以佢地所有食品就算係taco 同nachos都唔會熱氣，聽完即刻叫多幾樣野試﹗
除左pizza我最欣賞飲品、沙律同甜品﹗我地一家四口點了三杯飲品，一杯仙人掌汁、一杯牛油果汁同一杯洛神花茶、本來諗住俾小朋友每樣試一啖，點知三杯飲品都超級好飲，餐廳職員又話所有仙人掌都係自家種，佢地餐廳就有個小平台種满野，杯仙人掌汁就係由平台新鮮仙人掌去刺加蘋果汁, 味道超級fresh。杯牛油果汁又係驚喜，本身係老公叫我冇諗住試，因為我好憎牛油果種牛油texture 同唔甜唔淡種怪味，但老公同小朋友飲完堅持叫我試，一試即嚇親，少少甜又好似smoothie 咁滑但又唔 “溜”. 至於洛神花茶相對冇咁特別，但少甜少酸我小朋友最愛，成杯飲哂，結果主菜未到已輪住去廁所﹗
正餐我地叫左沙律、海鮮湯同海鮮飯，沙律o既牛油果切細細粒，冇左牛油果一pat pat 我最憎o既牛油感覺，再加埋一粒粒有咬口又酸又少少辣，好開胃。海鮮湯料足，驚喜不足但水準以上，至於海鮮飯簡直係感動時刻，我未未未食過黃咁咁o既海鮮飯都可以煮得咁清咁爽口，portion仲要好大我要打包一半返去第二日食!
不過最感動都唔係食物而係心思，餐廳知道我地慶祝生日就問左我小朋友個名，我本身掛住食冇咩expectation, 但佢地忽然拿蛋糕甜品出來時播哂歌，甜品碟上寫左我小朋友個名同Happy Birthday, 仲要暗地寫左兩張好有心思、完全係tailor-made o既卡俾小朋友，個氣氛好到全餐廳食客都同我小朋友講Happy Birthday，好温馨! 唔知係咪心情影響，明明個甜品又係我最討厭o既牛油果，但老公迫我試，原來係牛油果掘空整雪糕，結果平時一食牛油果即吐o既我KO左一半雪糕，係我生平食牛油果最多o既一晚!
總結﹕食物環境氣氛水準以上，好墨西哥, authentic 之餘仲係家庭式經營果隻，冇諗過墨西哥餐廳食物可以咁健康咁 kids friendly, 好啱小朋友party食生日飯。缺點當然係不大便宜，加上可能weekday人手略為不足，我地有小朋友早去好好多，眼見七點到餐廳都係兩個人serve, 佢地有點踢腳，如果希望酒店式服務去到可能會失望，但人家賣點應該係authentic, 好墨西哥好chill, 去到就relax 下啦!
*最長最唔圖文並茂O既食評，因為小吃貨一見野食清哂，咩都影唔切!
牛油果雪糕
8 瀏覽
0 讚好
0 留言
張貼
