麻辣派對 (瑞生酒店) (已結業)

第一次食麻辣派對係一年前銅鑼灣分店，本身我都唔係好食得辣，但卻無辣不歡，記得呢間野都幾好食，近排知道尖沙咀都開左分店，所以好想黎試下。🥢鮮椒味型江團（小辣）$168鮮辣椒辣味清新，越食越辣好過引，而江團魚油脂含量高，魚肉滑嫩，入口軟糯。🥢蒙古羊肉 $58之後我地再加多5個菜，可以食多d野。羊肉帶少許羊羶味，食落香嫩。🥢毛肚 $48牛柏葉分量較少，但同個湯底好夾好惹味。🥢田雞 $68田雞分量好多，最抵食！新鮮又清甜，非常美味。🥢血旺 $38豬紅好滑，配埋辣味食唔停口。🥢蓮藕 $28清爽不油膩，爽脆得黎帶點甜味，都係必叫既配菜。每一枱都有一樽薄荷葉檸檬水。最後仲奉上每人一碗喳咋，足料又好味，食完仲好想再食多碗添😍。呢度各種辣度，唔同口味既辣味都有，鐘意食辣既人絕對要試下麻辣派對。最後值得一讚既係男服務員好有禮貌，令我地有種賓至如歸既感覺。