壹號餐廳

營業中

休息中

同好姊妹兩個今日就去佐屯門覓食。屯門多野食就唔駛講架啦，呢間茶餐廳都真係好出色！我地兩個都中意食豬，所以一人叫佐一樣以豬做主食既飯，我就叫佐招牌鮮茄焗豬扒飯😋豬扒飯上枱係熱辣辣既，直情見到出煙添，超誇張🤪豬扒超級大塊，肥瘦均勻，肉汁豐盈，肉質嫩緊，非常好味，而蕃茄係有幾大舊，再加上自家製既鮮茄汁，甜酸味適中，炒飯粒粒分明，充滿蛋香，成個飯都好好食，每一啖都好滿足呀！好姊妹就叫佐吉列豬扒飯🤤吉列豬扒非常出色，大大件既吉列豬扒炸到好香好酥脆，但裏面肉質仲係好軟腍，好多肉汁，好juicy！而且仲有自家製醬汁點豬扒同撈飯食，勁香勁好食，份量又多，好抵食呀！😻