更多
2020-05-17
3134 瀏覽
呢排成日同男朋友講好想食蟹,好掛住日本嘅蟹道樂,所以佢book咗呢間餐廳同我食生日飯。由於晚飯前食咗好大個生日蛋糕所以唔算肚餓,本身唔鍾意食生蟹同埋怕叫set食唔晒,所以侍應建議我哋點一隻大毛蟹配火鍋,然後點多個白飯同配料整蟹粥。主角登場!好大隻蟹呀,又多肉又多蟹膏!個鍋用紙做好特別每隻蟹腳大概煮兩分鐘就可以食,煮完啲蟹肉爆曬出嚟好正,味道好鮮甜。蟹蓋最後先落,加飯加蛋,將火鍋湯底同海鮮味嘅精髓全部煮成粥,實在太好味了,完全冇浪費食材😍特登留番少少蟹肉撈粥😋餐廳仲送咗個柚子雪糕俾我地,味道清甜,不錯!
張貼