影片
更多
2018-11-11
943 瀏覽
無無聊聊逛街逛到出紅磡😅。其實今晚係要出火車站拎啲野俾人， 事後就順便食埋飯先返屋企囉。印象中紅磡車站旁邊嘅商場好似冇乜野食，不過都已經好耐冇嚟過，就本著巡視業務嘅心態嚟逛下，諗住如果冇啱食嘅就直接坐車返旺角先食！一入商場轉彎就見到呢間餐廳喎， 之前係銅鑼灣食過，印象唔差， 估唔到紅磡都開左喎。嚟到大概六點半，但店內嘅客人不算多， 不過都唔奇，呢個商場平時冇乜人流，只有紅館有演唱會先至比較熱鬧🙄🤔。好快就同媽咪點好菜，繼續商量新屋仲有咩要買.... (好似沒完沒了) 。標準動作，去親西式餐廳媽咪都一定要點知沙律，話清清爽爽健康啲。但呢份廚師沙律，除左菜之外仲有好多其他配料，又有大大塊雞肉，我就唔覺得會清囉😏。媽咪食唔到太多，但我又想食意粉又想試pizza, 呢度pizza有一人份， 份量減半，可以等你試多幾款但又唔怕太飽👍。我揀左明太子海鮮pizza，日系風格，但好好味，事關佢全部都係手作現做，特別新鮮熱辣。飲品我點左Sangria, 一樽兩人份，因為我知道媽咪like紅酒🍷🤭。果然佢好鍾意，但我就覺得果味可以再重啲添。意粉我就專登揀左個平時少見嘅芝士牛肝菌濃汁鮮製意粉，牛肝菌同芝士味
一入商場轉彎就見到呢間餐廳喎， 之前係銅鑼灣食過，印象唔差， 估唔到紅磡都開左喎。嚟到大概六點半，但店內嘅客人不算多， 不過都唔奇，呢個商場平時冇乜人流，只有紅館有演唱會先至比較熱鬧🙄🤔。
好快就同媽咪點好菜，繼續商量新屋仲有咩要買.... (好似沒完沒了) 。標準動作，去親西式餐廳媽咪都一定要點知沙律，話清清爽爽健康啲。但呢份廚師沙律，除左菜之外仲有好多其他配料，又有大大塊雞肉，我就唔覺得會清囉😏。
媽咪食唔到太多，但我又想食意粉又想試pizza, 呢度pizza有一人份， 份量減半，可以等你試多幾款但又唔怕太飽👍。我揀左明太子海鮮pizza，日系風格，但好好味，事關佢全部都係手作現做，特別新鮮熱辣。
飲品我點左Sangria, 一樽兩人份，因為我知道媽咪like紅酒🍷🤭。果然佢好鍾意，但我就覺得果味可以再重啲添。
意粉我就專登揀左個平時少見嘅芝士牛肝菌濃汁鮮製意粉，牛肝菌同芝士味道好夾，兩樣都係濃重香味配料，所以用嚟煮清淡嘅意粉就至啱喇。媽咪大讚意粉質地好適中，我本身喜歡al dente同偏硬嘅質地，但媽咪就比較鍾意彈牙就好。呢個意粉就啱晒佢啦😀。
最後仲食埋甜品先收工，媽咪點左至愛嘅焦糖燉蛋布甸，我就點左芒果芝士慕絲。
芒果芝士慕絲好重芝士味好creamy, 當中嘅芒果除左提供果香味之後仲有解膩作用👍😋。而媽咪嘅焦糖燉蛋布甸就不過不失，我明，佢對creme brulee嘅要求係巧高嘅🤭😜。
食飽飽就要繼續去置家居小物喇😁。
張貼
