Amaroni's New York Italian Restaurant & Café (又一城)

營業中

休息中

約朋友於又一城逛逛街，食個生日飯，《Amaroni's》這餐廳是個好選擇，食物有質素，地方闊落，坐得舒適。餐廳送了一籃自家製麵包，沾少少黑醋及橄欖油好醒胃。特色烤肉拼盤~包括烤嫩豬排骨、烤雞、牛肉丸、意大利肉腸及烤時令蔬菜。豬排骨有兩大件，醃得夠入味，大家食到舐舐脷；牛肉丸兩大球，啖啖肉；意大利肉腸非常可口。自家製焗肉醬千層麵~採用巴馬臣芝士及馬蘇里拉芝士，牛肉醬味道香濃，配番大量蕃茄蓉，特別美味。精選甜品拼盤~ 嘩！一次過可以食曬幾款甜點，西西里奶酪卷十分香脆、提拉米蘇是招牌甜品、開心果檸檬提拉米蘇味道好清新、朱古力布朗尼蛋糕及雲呢拿雪糕令整個甜品更上一層樓。餐廳可以為客人加上生日牌及蠟燭，生日朋友開心許願！店員服務值得一讚。