影片
更多
2024-06-05
155 瀏覽
由於見Yoho Mix商場新開就同男友去行下, 沿着一直行到去Yoho Mall加上肚餓就搵野食。其實有次晚餐經過望下餐牌就走, 今次話想試新野就入去試。男友叫左烤牛肉闊條麵, 味道都唔錯係偏咸, 可能係因為汁太多既關係, 呢款試過一次應該下次就吾食了。而我就叫左呢個牛油果牛肉飯, 真心覺得呢個飯有驚喜, 意外地好岩我同男朋友口味。只係男朋友嫌牛油果帶苦味, 不過我個人覺得還好, 若有下次呢個可以再試！左邊係橙乳酪, 特別之處就係真係比一個橙你擺上杯飲品到, 味道其實普普通通但影相打卡ok既。右邊係紫薯牛奶, 味道都係普普通通無話特別好似。人均消費 $190左右整體上食物質素吾錯不過店員大頭蝦漏單, 食哂2個主食份薯條🍟都未上問一問先知原來無落單。另外餐廳頂有滴水問題, 初時都以為自己有幻覺點知1次、2次、3次、無限次。。頭髮又真係有水珠！吾知職員係無發現此問題定點, 但眼見4人枱又只放3人位餐具🍴可能其實知道問題而無通知客人。進入餐廳時間為下午4:30左右, 無須等位上餐亦快, 不過咁岩隔離枱吾知係咪Kol寫食評, 由我地落餐到就嚟食完佢都不停拎住部相機📷影份pancake。眼見佢足
烤牛肉奶油闊條麵
62 瀏覽
0 讚好
0 留言
男友叫左烤牛肉闊條麵, 味道都唔錯係偏咸, 可能係因為汁太多既關係, 呢款試過一次應該下次就吾食了。
牛油果牛肉飯
45 瀏覽
0 讚好
0 留言
而我就叫左呢個牛油果牛肉飯, 真心覺得呢個飯有驚喜, 意外地好岩我同男朋友口味。只係男朋友嫌牛油果帶苦味, 不過我個人覺得還好, 若有下次呢個可以再試！
左邊係橙乳酪, 特別之處就係真係比一個橙你擺上杯飲品到, 味道其實普普通通但影相打卡ok既。右邊係紫薯牛奶, 味道都係普普通通無話特別好似。
人均消費 $190左右
整體上食物質素吾錯不過店員大頭蝦漏單, 食哂2個主食份薯條🍟都未上問一問先知原來無落單。
另外餐廳頂有滴水問題, 初時都以為自己有幻覺點知1次、2次、3次、無限次。。頭髮又真係有水珠！吾知職員係無發現此問題定點, 但眼見4人枱又只放3人位餐具🍴可能其實知道問題而無通知客人。
進入餐廳時間為下午4:30左右, 無須等位上餐亦快, 不過咁岩隔離枱吾知係咪Kol寫食評, 由我地落餐到就嚟食完佢都不停拎住部相機📷影份pancake。眼見佢足足影左大半鍾有多終於肯食, 突然覺得做Kol食評都幾辛苦
最後2人點左2份主食+2杯飲品, 再加收服務費埋單$386
張貼
