公車泰國餐廳

營業中

休息中

難得入到元朗，梗係要搵啲好食啦，今次中午無差別咁揀咗間泰國菜嚟食😂。任性嘅我中午竟然想食咖啡炒蟹🦀，係冇人反對嘅情況之下😊，我就叫咗個泰式套餐😂。泰式套餐 $648咖哩炒蟹大肉蟹🦀十分新鮮，蟹肉飽滿，肉質緊緻，呈現一梳一梳肉紋，鮮香甜美😍。咖哩醬汁味道香甜帶陣陣蛋香味，炒蟹原煲上保持熱度🔥及味道，好食到停唔到口🤤。薄餅薄餅非常薄脆，邊位尤其香口，淨食已經好好食，點埋咖哩醬汁一齊食，更加惹味😋。泰式生蝦生蝦🦐大隻厚肉，肉質爽口彈牙，鮮甜無比，加埋生蒜片🧄及紅椒🌶一齊食，一陣陣辛、辣、酸及鮮味，在口腔內爆發，勁好食🤤。馬拉盞通菜通菜份量十足，口感爽脆軟嫩，炒得夠曬鑊氣又入味，非常香口🥰。DuckGor🦆冇肉食總係覺得差少少嘢，所以就叫多咗個燒骨😂。冬陰醬燒骨 $148醬骨大大件啖啖肉，表面香口乾身，肉質軟腍又帶嚼勁，肉味香微微冬陰功香辣味，真係食肉獸至愛😍。青檸梳打 $28青檸梳打酸酸甜甜又帶氣，非常醒胃解渴😋。龍眼冰 $28龍眼味道濃郁，加上勁多龍眼肉，呢個價錢真心街坊價🥰。