影片
更多
2022-09-04
907 瀏覽
原本呢間餐廳其實唔係我哋嘅行程內不過我哋都太早到步好多舖頭未開我哋又好肚餓所以就入咗嚟呢間試吓🤔入嚟一刻見到男店員定唔知老闆，不過都冇同我哋點多介紹又入門口到入咗呢幾分鐘都只係同我哋講咗一句：「幾多位？」我問佢可唔可以坐Outside佢都淨係答我一句「都可以嘅。」我就知道一定又係嗰啲臭格老闆，而我深信每間鋪一有臭格老闆入邊啲嘢食都唔會衰得去邊🤣我同朋友一人嗌左Waffle set同salmon bagel set，亦都叫咗ice Americano同埋蘋果汁（Topped with crispy bacon, scrambled egg & avocadoGrilled tomato, hash brown & fresh fruitStandard drink）水果已經俾咗一個好嘅開頭提子哈密瓜菠蘿都好甜食得出係新鮮嘅，然後薯餅煙肉同窩夫都係好脆好好食🥹煙肉即使凍咗都係咁好食，我仲同朋友講笑話呢個係我哋食咗咁多年薯餅最脆嘅一次🤣炒蛋就正常水準(其實炒蛋正常水準已經係唔錯出面有好多炒蛋都好難食)最開心嘅佢係會配埋楓糖漿即刻成件事好肥好開心🤤牛油果都夠熟不過如果煙肉可以少啲俾返多啲牛油果
不過我哋都太早到步好多舖頭未開我哋又好肚餓所以就入咗嚟呢間試吓🤔入嚟一刻見到男店員定唔知老闆，不過都冇同我哋點多介紹又入門口到入咗呢幾分鐘都只係同我哋講咗一句：「幾多位？」我問佢可唔可以坐Outside佢都淨係答我一句「都可以嘅。」我就知道一定又係嗰啲臭格老闆，而我深信每間鋪一有臭格老闆入邊啲嘢食都唔會衰得去邊🤣
我同朋友一人嗌左Waffle set同salmon bagel set，亦都叫咗ice Americano同埋蘋果汁
（Topped with crispy bacon, scrambled egg & avocado
Grilled tomato, hash brown & fresh fruit
Standard drink）
水果已經俾咗一個好嘅開頭提子哈密瓜菠蘿都好甜食得出係新鮮嘅，然後薯餅煙肉同窩夫都係好脆好好食🥹煙肉即使凍咗都係咁好食，我仲同朋友講笑話呢個係我哋食咗咁多年薯餅最脆嘅一次🤣炒蛋就正常水準(其實炒蛋正常水準已經係唔錯出面有好多炒蛋都好難食)最開心嘅佢係會配埋楓糖漿即刻成件事好肥好開心🤤牛油果都夠熟不過如果煙肉可以少啲俾返多啲牛油果就更好👍🏽👍🏽
Americano就一般，一定會有更加多幾好飲過佢🫣
(Smoked salmon, cream cheese, red onion & capers Grilled tomato, hash brown & fresh fruit Standard drink)
照樣有水果、薯餅同埋焗茄
三文魚唔腥夠晒味配埋紫洋蔥、酸豆食更加食唔到腥味😆配埋cream cheese感覺更加香口，不過Beagle就唔夠熱唔夠煙韌🤔
蘋果汁都係一般正常蘋果汁
(係飲品方面都可以再做好啲～)
其實呢度係唔俾影相嘅佢都有擺晒牌俾我哋睇，不過我哋兩個見佢啲嘢食擺得咁整齊咁靚又忍唔住鬼鬼鼠鼠影(失禮晒哈哈)
都係睇到其他食評先知點解呢度唔俾影相，都啱嘅，入嚟食嘢㗎嘛唔係入嚟食個海😌
以為今日係outside食都會好熱但係有兩把大風扇吹住我哋都夠晒舒服🤣🤣
老闆臭格得有道理👍🏽下次嚟南丫島一定會再幫襯！
張貼
