千両 (將軍澳中心)

營業中

休息中

意外地，呢個lunch set還算好食。一直都好少食”千兩”。一嚟覺得佢只係貴價版元氣，二嚟附近有同類型選擇。今次誤打誤撞嚟咗食假日lunch。Lunch set好多選擇，今次揀了刺身丼和滑蛋吉豬set，Set會包飯，湯，前菜同小甜品。由於而家做緊恒生信用卡500減80，所以額外叫了幾個串燒。刺身丼靚靚仔仔，食落都還可以，但係刺身嘅質素稍為不及附近嘅”穴”系列餐廳。至於吉列豬扒係驚人地好食，揸得夠鬆化，肉夠晒厚但好腍，中間夾雜肥肉，係非常邪惡嘅油份！其他串燒水準好高，甚至高過穴。牛舌好明顯係切啲靚啲嘅位置，雞頸肉非常香口，雞翼同雞髀都夠大嚿有水準。真係不能睇少連鎖餐廳可以做到嘅性價比。