千両 (將軍澳中心)

營業中

休息中

前排先發現將軍澳開咗千両，weekend同屋企人黎食dinner🍣我哋order 咗特選壽司拼盤（10件）、牛肉稻庭鳥冬、炙燒明太子三文魚卷、炙燒和牛卷同腐皮壽司特選壽司拼盤，裡面有十件唔同嘅壽司，如三文魚、吞拿魚🍣、帶子等。每一件壽司都好新鮮，而且壽司飯柔軟，唔錯牛肉稻庭烏冬🍜，牛肉有牛肉味同好嫩滑🥩，而稻庭烏冬幼滑，湯底亦都有牛肉嘅香氣，冇味精味，飲落好舒服炙燒明太子三文魚卷，外層嘅三文魚炙燒得恰到好處🔥，口感好creamy炙燒和牛卷，和牛肉質鮮嫩，炙燒後嘅香氣十足，而且仲有沙律菜伴碟，而腐皮壽司係每次嚟都一定會嗌🤣好好食

這家日本餐廳的菜單豐富多樣，壽司是絕對的亮點，新鮮的魚生搭配醋飯，口感細膩，尤其是鮪魚腹壽司，油脂豐潤，入口即化。生蠔也非常出色，選用北海道直送，鮮甜多汁，淋上少許檸檬汁，更能突顯其海洋風味。串燒部分則以雞肉串最受歡迎，外皮烤得微焦，內裡多汁，搭配特製醬汁，香氣撲鼻。整體來說，食材新鮮，料理手法細緻，是一場味覺的盛宴。刺身拼盤同樣令人驚艷，選用當日新鮮魚獲，擺盤精美，色澤誘人。鮭魚刺身油脂分布均勻，入口滑嫩；甜蝦鮮甜彈牙，帶有淡淡的海水鹹香；而赤貝則爽脆清甜，搭配現磨山葵與醬油，更能帶出食材的原味。每一片刺身都展現了師傅精湛的刀工與對食材的尊重，令人回味無窮。整體來說，這家餐廳無論是壽司、生蠔、串燒還是刺身，都展現了高水準的日式料理技藝，絕對值得一試。

千兩，相信大家對呢間連鎖店都唔會陌生，不過今次食晚餐，就真係有d驚喜。驚喜在於呢個是日精選的餐牌，無諗過千兩而家除咗有本身menu的食物之外，仲有新鮮魚獲的選擇。好多白身魚同埋貝殼類都有提供，而且價錢比起好多居酒屋都要抵食我地揀咗“時令魚鮮七點刺身盛”，另外再加咗一隻北寄貝。呢個拼盤賣相好豐盛，魚質新鮮，味道亦好鮮甜，每款魚都有獨特的味道，不過我就唔識分邊款打邊款啦後來問番waiter先知半條鮮魚原來係黑鯛，另外隻北寄貝都真係勁鮮甜除咗呢個拼盤，當然要食下其他壽司同卷物啦！除咗魚生之外，仲食咗串燒。最後，我就飲咗個茶壺湯，可能因為太夜，餐廳無哂蜆，反而帶子就比平時再比多一隻，整個湯好鮮甜，加埋個青檸調一調味，無咁單調得黎，亦都係好暖胃既總結。總括黎講，今晚既晚餐好有驚喜，平時menu既食物保持到水準，而是日精選性價比好高，我地食到差不多最遲一枱先離開，侍應都好禮貌地黎check我地要唔要last order同埋收錢，又唔會做d小動作催促我地離開，整體來說，真係好滿意

夜晚同屋企人諗唔到食乜嘢，行下行下於是就決定食日本嘢呢間餐廳環境唔錯，昏暗得來又有格調，所以我哋都幾鍾意特別推介佢嘅炸蠔蠔肉超級有肉同juicy本身諗住再encore，但係因為驚喉嚨痛，所以最後放棄咗佢嘅軟殼蟹牛油果卷都唔錯整個combination 好夾食食吓，突然聽到有人響鐘原來佢每晚都會做啲promotion，有啲係即日運送過嚟香港，我哋客人以先舉手先得嘅方法嗌當日嘅嘢食就係北寄貝40幾蚊就可以食到一隻，我即刻做第一個舉手嘅客人😂😂😂總括嚟講，食物質素好高雖然唔算係超平，但係佢有啲菜式係其他日本餐廳唔見有👍🏻👍🏻

星期日夜晚食飯周圍都多人，見呢度算最少人即管試吓啦👍👍叫左個帶子沙律，嚟到份量都好大。因為成日覺得呢啲連鎖餐廳份量都好細，所以一黎到見到咁大都有啲驚喜。沙律嘅帶子刺身都係好新鮮又大粒，我覺得個沙律醬汁先係精粹，酸酸甜甜好開胃。之後叫咗個壽司拼盤，睇相都應該見到好新鮮同埋好大嚿。食完今次真係對連鎖集團嘅餐廳嘅睇法有所改善。全部都勁鮮甜👍👍😋😋仲有叫咗個鱈魚小食勁正，如果平啲應該會再叫🫢🤣

意外地，呢個lunch set還算好食。一直都好少食”千兩”。一嚟覺得佢只係貴價版元氣，二嚟附近有同類型選擇。今次誤打誤撞嚟咗食假日lunch。Lunch set好多選擇，今次揀了刺身丼和滑蛋吉豬set，Set會包飯，湯，前菜同小甜品。由於而家做緊恒生信用卡500減80，所以額外叫了幾個串燒。刺身丼靚靚仔仔，食落都還可以，但係刺身嘅質素稍為不及附近嘅”穴”系列餐廳。至於吉列豬扒係驚人地好食，揸得夠鬆化，肉夠晒厚但好腍，中間夾雜肥肉，係非常邪惡嘅油份！其他串燒水準好高，甚至高過穴。牛舌好明顯係切啲靚啲嘅位置，雞頸肉非常香口，雞翼同雞髀都夠大嚿有水準。真係不能睇少連鎖餐廳可以做到嘅性價比。

2024年5月9日 (星期四) 12:00pm 25°C 店內裝潢以日式為主，時尚為本，中央設置 2 人卡位，櫥窗旁邊為 4 人卡位，感覺舒適、優閑，可以自成一角。 環境光亮整潔，餐具乾淨。 另加 HK$10 可享炭燒咖啡 店內一位中年女侍應態度友善，服務殷勤，值得一讚！！ 人數：2人 HK$237.6 不用等位 直送魚鮮角切刺身飯定食 - 三文魚、吞拿魚肉質鮮美，軟身滑溜，甜蛋滋味，魚籽卜卜脆，融入海洋氣息，珍珠飯份量足。【推介之選】❤❤❤ 蔬菜沙律 - 爽口清新，醋酸甜又開胃。【推介之選】❤❤❤ 茶碗蒸 - 蒸蛋內有原隻帶子，蝦味濃郁，碗底更藏著大蝦。【推介之選】❤❤❤ 麵豉湯 - 蝦頭大大一隻，但湯味實在太鹹了 ~ 牛腩粒 - 肉質不煙靱，味道少鹹。 熱炭燒咖啡 - 另加 HK$10，可享一杯咖啡。濃郁咖啡香，少少苦澀，立即提神！《 餐 牌 》：《 環 境 》：【 溫 馨 提 示 】：❶ 每款食品都是即叫即製❷ 另收加一服務費

都好多年沒有去過這間連鎖式壽司店，今次再來全因有人請客，簡單總結的話，對比以前，價錢是偏貴了，但質素似乎好了。特上壽司拼盤（20件）壽司全部都是師傅接到客人order才手握即做，所以壽司飯軟硬剛好，壽司上的刺身都好新鮮，最美味的當然是帆立貝及吞拿魚腩壽司啦。牛肉冰見烏冬此烏冬出奇地好有驚喜，牛肉超級軟腍好有肉汁，湯底清甜，烏冬雖是薄麪條但都彈牙有咬口。活蜆清湯湯頭十分鮮甜，蜆肉大粒無沙。吉列廣島蠔外面炸皮有點厚，蠔的口感雖好不過腥味仍濃。

將軍澳開左千両，難得平日放假，可以早D去拎位約埋朋友仔去食千両架lunch set. 由於新開，裝潢都好有日本風同埋座位都好闊絡，我地2個人響lunch time時間都俾左4人台我地，開心😊叫左2個定食: 千両刺身壽司便當 (HKD168)前菜有 : 沙律，甜南瓜，燉蛋，仲有大大隻蝦頭湯呢個壽司便當有2層, 第一層有細架碎刺身飯+一個大大大隻架甜蝦; 第二屠就有5件刺身壽司。千両架刺身以lunch set 呢個價來講真係無得輸，新鮮，多款~特選刺身+鰈魚西京燒定食 (HKD 148)前菜有 : 沙律，甜南瓜，蝦頭湯特別欣賞佢個鰈魚燒得岩岩好，晤會太老，即叫即燒，來到架時候仲係熱騰騰，咬落去超級juicy………呢個定食仲有碗細刺身，帶子巧巧味整體來講千両個Lunch 定食真係算好抵食，百幾元有呢個質素真係會成日來!! 推~~==============================千両將軍澳唐德街9號將軍澳中心G樓G89號舖