Chill Cafe Bar & Grill (已結業)

第一次打食評就係因為今次完全有hard feeling。。。由一開始第一次黎，一路都好好，食物質素高，員工服務態度好！直到近幾次去就每況越下。。我地每次去都係叫牛扒，因為好鐘意佢d牛扒有碳燒味，雖然而家都keep到有碳燒味，但廚師完全唔識分5成同7成，次次黎親都全熟。。配菜係數得出既5條薯條，3條幼蘆筍加2粒蕃茄！食過幾次都係甘忍唔住開口同shop in charge講話以前有包湯同沙律，而家cut左之餘所有份量都少左，質素又差左，點知位男同事態度勁差，我都講明係俾番d意見佢，唔係要R咩，只係希望佢地有改善，但佢竟然同我講我唔知你之前係講緊幾時黎過啦，我由上年10月入職已經係甘，我又唔見有其他客投訴，我會反映番俾老細同大廚聽，睇下係咪有需要改善。。真係嬲到我一個點！試問而家仲有服務行業態度甘差架咩？你簡單講句唔好意思，會幫我地反映意見就已經可以平息到成件事你都做唔到，難怪以前甘難訂枱而家即日訂都仲可以有位啦！CS最基本既態度都無，哩間餐廳只會愈黎愈少客幫襯，最少今日已經又失去左9位客！