Pizza Maru (已結業)

食炸雞好自然就諗起韓式炸雞，確實食落特別鬆脆惹味啖啖肉，同其他炸雞比較始終係佢味道夠突出，呢個賣點先至可以吸引到咁多人光顧品嚐，而且每間韓式炸雞都各具特色包你食得滿足，除左食到招牌炸雞外，都有提供其他特色美食，是日晚去了呢度開飯品嚐一下人氣美食之餘又滿足一下自己食慾，餐牌提供各類美食同人氣招牌炸雞，必定要點番一款唔係就嘥咗係未食炸雞前，先有小食韓風手工芝士波，未食已聞到香濃芝士味，入口夠晒卜卜脆，餡料有高車士打、洋蔥、蒜頭、甘筒、意大利米、墨西哥辣椒片、辣椒碎同泡菜蛋黃，食落多重味道口感十足，再來有紫酥炸魷魚圈，入口鬆脆之餘魷魚肉質鮮嫩爽彈，點埋洋蔥醬食落更惹味輪到有韓式炸雞點咗甜辣秘製炸雞，眼見炸雞沾滿甜辣醬汁食得特別滋味，熱辣辣嘅炸雞肉質香滑又啖啖肉汁，真係嗱嗱聲食多件先得除左食到惹味炸雞外，仲有其他美食點了韓式意大利粉大醬番茄八爪魚，平時食開都係意式風味，唔知今次韓式烹調味道又如何，即刻品嚐一下每啖意粉都會食到香濃醬汁帶點香辣真係刺激夠晒韓feel之餘 而且仲好入味值得推薦呢款美食，食嘢時間特別快過眨眼又品嚐一餐韓式美食。