吉豚屋吉列豬扒專門店

營業中

休息中

環境餐廳距離旺角站都幾近，行5分鐘左右就到，都好易搵。餐廳唔算寬敞，所以可能會有啲迫，但都幾乾淨。 食物1）豚肉豆乳鍋 配烏冬（$69）評分：7/10有豆乳鍋同壽喜燒鍋揀，但因為驚壽喜燒會咸，所以揀左豆乳鍋。豆乳鍋就唔算有豆乳味，但勝在夠清，湯底又唔會太淡。試咗一啖朋友嘅壽喜燒湯底，都幾濃味，但係食落可能有啲咸。豆乳鍋除咗有豚肉，仲有豆腐、冬菇、金菇、豆卜同菜。全部配料都OK，不過不失。豚肉都幾惹味，但係件件都好肥，如果唔食肥膏嘅話，根本其實冇咩肉食。雖然食落好滿足，但都係因為食緊肥肉😓 你見到我影嘅相都會大概估到有幾肥⋯ 但除咗豚肉肥之外，個鍋係幾好食嘅。感覺上呢個鍋都幾多菜，食落都唔會好似其他火鍋咁太多肉，同埋湯底都唔油。 服務店員服務都唔錯，幾有禮貌。順帶一提，餐廳要加一。