影片
更多
2023-10-27
509 瀏覽
有一次同一位女友人傾開澳門誠昌水蟹粥.我話成二十年前第一次食，簡直驚為天人! 臨返香港都要食多一轉先上船，但女友人持相反意見，佢話唔會食完又食，留待下一次有動力再嚟澳門食!結果事實變成.... 依家嘅誠昌水蟹粥已成垃圾，連當年一成水準都無，但價錢就跳幾級! 每次經過誠昌，唏噓無限!經驗又一次話我知..... 做人要及時行樂!歷史又不段重演!一年前灣仔岱民嘅羊腩一級棒! 當時食完又食，買幾次外賣，雖然份量少但質素極高! 最正係軟骨部位! 令人難忘.一年過去..... 係哩一年裡面，灣仔岱民已經變質! 睇住佢由當年 Lunch 時段門口排成人龍，到依家人龍已經消失! 買過一次外賣水準大跌! 價錢又加咗! 當時已經擔心秋季有無羊腩煲供應，即使有，質素又唔知會唔會變差!好啦! 終於到入秋，今次經過入去望兩望，見到有羊腩應巿，但個賣相好似唔多掂! Anyway 點都要買份嚟試試先!價錢50蚊一盒淨餸.優點 :1, 份量比以前多.2, 唔係得羊腩咁單調，有冬菇，冬菇入味又夠冧!3, 主角羊腩出場! 主角之中嘅主角係軟骨，口感仍算爽脆! 缺點 :1, 哩D外賣盒好鬼討厭! 好易倒瀉羊腩汁.2, 份量
我話成二十年前第一次食，簡直驚為天人! 臨返香港都要食多一轉先上船，但女友人持相反意見，佢話唔會食完又食，留待下一次有動力再嚟澳門食!
結果事實變成....
依家嘅誠昌水蟹粥已成垃圾，連當年一成水準都無，但價錢就跳幾級! 每次經過誠昌，唏噓無限!
經驗又一次話我知..... 做人要及時行樂!
歷史又不段重演!
一年前灣仔岱民嘅羊腩一級棒! 當時食完又食，買幾次外賣，雖然份量少但質素極高! 最正係軟骨部位! 令人難忘.
一年過去..... 係哩一年裡面，灣仔岱民已經變質! 睇住佢由當年 Lunch 時段門口排成人龍，到依家人龍已經消失! 買過一次外賣水準大跌! 價錢又加咗! 當時已經擔心秋季有無羊腩煲供應，即使有，質素又唔知會唔會變差!
好啦! 終於到入秋，今次經過入去望兩望，見到有羊腩應巿，但個賣相好似唔多掂! Anyway 點都要買份嚟試試先!
價錢50蚊一盒淨餸.
優點 :
1, 份量比以前多.
2, 唔係得羊腩咁單調，有冬菇，冬菇入味又夠冧!
3, 主角羊腩出場! 主角之中嘅主角係軟骨，口感仍算爽脆!
缺點 :
1, 哩D外賣盒好鬼討厭! 好易倒瀉羊腩汁.
2, 份量雖然多過以前，但外相唔得! 羊腩唔似羊腩，好似碎修修牛腩.
3, 羊騷味強勁!
4, 羊腩汁唔夠多.
5, 總係覺得味道唔夠以前好，無咗鮮味同惹味!
6, 雖然我唔食得冬筍, 但如果有齊冬筍同支竹就更好.
7, 軟骨雖然爽脆，但無咗以前果種起沙口感，超可惜!
一年前超開心，終於搵到好味羊腩，一年後又變差，又一次証明，將來無人知，過去已成過去回望過去無意思，做人要及時行樂!
張貼
