影片
更多
2021-10-21
392 瀏覽
泰菜一向係好友嘅心頭好，所以只要跟住佢搵食，就一定唔會中伏。最近朋友就介紹左銅鑼灣廣場一間開業超過大半年嘅泰菜館「Thaiology」畀我。據說餐廳由資深泰廚主理，除了主打各式經典泰菜，如咖喱炒新鮮大肉蟹、泰式串燒、冬蔭功湯等外，還有泰式版嘅 Shake Shake 海鮮供應。餐廳環境優雅，以簡約風格為主，一室墨綠色裝潢配以牆上掛飾，氣氛輕鬆隨性，令人感覺非常舒服。食泰國菜，一定唔少得泰式小食拼盤 ($148)，睇下幾豐富，除了魚餅、蝦餅、雞翼、春卷各 2 件外，仲有 4 串沙嗲串燒。魚餅加入左泰國香料，食落香辣有咬口。蝦餅香脆彈牙，蝦味濃郁，愈食愈鮮甜！雞翼炸得酥香入味、一咬肉汁四濺。春卷新鮮炸起，咬下脆卜卜，香口不油，蘸泰式酸甜醬，更添滋味！沙嗲串燒亦值得一讚，入口外微脆，內封汁，加上自家調配的沙嗲醬，味道微辣帶甜，有花生香，超惹味，用嚟配串燒吃，一流！另外呢款 Shake Shake 海鮮 ($298) 亦係必食之選，海鮮有 3 個唔同嘅價錢可供選擇，分別包三款、五款或八款海鮮，客人可按個人喜好自選配搭。我哋揀左墨魚仔、扇貝同大蜆。食法好簡單，店員會將預備好嘅海鮮放入真空袋，再
據說餐廳由資深泰廚主理，除了主打各式經典泰菜，如咖喱炒新鮮大肉蟹、泰式串燒、冬蔭功湯等外，還有泰式版嘅 Shake Shake 海鮮供應。
餐廳環境優雅，以簡約風格為主，一室墨綠色裝潢配以牆上掛飾，氣氛輕鬆隨性，令人感覺非常舒服。
食泰國菜，一定唔少得泰式小食拼盤 ($148)，睇下幾豐富，除了魚餅、蝦餅、雞翼、春卷各 2 件外，仲有 4 串沙嗲串燒。
魚餅加入左泰國香料，食落香辣有咬口。蝦餅香脆彈牙，蝦味濃郁，愈食愈鮮甜！
雞翼炸得酥香入味、一咬肉汁四濺。春卷新鮮炸起，咬下脆卜卜，香口不油，蘸泰式酸甜醬，更添滋味！
沙嗲串燒亦值得一讚，入口外微脆，內封汁，加上自家調配的沙嗲醬，味道微辣帶甜，有花生香，超惹味，用嚟配串燒吃，一流！
另外呢款 Shake Shake 海鮮 ($298) 亦係必食之選，海鮮有 3 個唔同嘅價錢可供選擇，分別包三款、五款或八款海鮮，客人可按個人喜好自選配搭。
我哋揀左墨魚仔、扇貝同大蜆。食法好簡單，店員會將預備好嘅海鮮放入真空袋，再淋上泰式酸辣醬，然後揸實袋口搖匀，一分鐘都唔駛就可以開動。
墨魚仔新鮮肥美、爽口彈牙。扇貝肉厚鮮甜，入口鮮香微辣。大蜆粒粒都好飽滿，脹卜卜，食落完全無沙，加上均勻嘅泰式醬汁，Fusion 得嚟絕對有驚喜。
海南雞 ($128/半隻) 水準亦不俗，送上時還附有三色醬。雞件色澤金黃、勁吸晴，雞皮爽薄，雞肉嫩滑，用來蘸點黑豉油，香醇可口。
油飯 ($28x2) 應該用雞油、南薑和香茅等煮過，每粒米都沾滿油光，入口鮮香惹味，食完好滿足。
張貼
