新泰東南亞餐廳 (已搬遷) 新店位置

原本諗住同朋友去中環飲嘢happy hour ，但撞正地鐵故障，所以就轉左去灣仔飲。由於未等齊人收工，就同朋友仔兩個人自私食，去咗食泰國嘢醫下肚先！呢間餐廳同一般嘅泰國餐廳一樣，都係有好多泰國風情嘅裝飾，就連牙籤盒都係充滿泰風嘅大象圖案。由於係樓上鋪嘅關係，空間好大，座位都好寬闊，好適合一大班朋友聚會。馬沙拉咖哩泥泰國餐廳點可以唔食咖喱呢，今次揀咗呢個馬沙拉雞肉咖哩，份量都幾多，一定要叫埋薄餅或者白飯一齊食先唔會浪費！睇得見嘅白色椰奶，撈埋之後，中和左咖喱嘅辣味，散發着淡淡的椰香。雞肉同配菜嘅比例啱啱好，夠均衡。印度薄餅因為擔心一陣間要飲嘢，所以就揀咗薄餅冇揀白飯，比較輕量。一定要趁熱食，就咁食薄餅都冇問題，點埋咖喱食落就更加香口。馬拉盞通菜蔬菜嘅份量比想像中多，加埋少少紅椒一齊炒，紅紅綠綠，顏色都幾鮮艷㗎。雖然，整碟通菜略油膩，但勝在夠惹味，再配埋少少炸蒜粒，就更有層次。椒鹽軟殼蟹椒鹽軟殼蟹炸到卜卜脆，炸粉唔會好厚，而軟殻蟹部件齊全，我最鐘意食啖啖肉嘅炸蟹鉗。