Boat Thai

營業中

休息中

老公話出街食飯慶香港再拎奧運金牌，放工後大家去尖沙咀呢間之前幫襯過的泰國餐廳，試吓之前賣哂嘅泰式蝦膠皮蛋。泰式蝦膠皮蛋有6件，蝦膠包住皮蛋，出面脆，再黎爽彈蝦膠，再入面皮蛋嫩又甘香，沾上少少泰式辣醬，好好味既泰式小食。泰式燒燒豬頸肉本身想點泰式魚餅，但係賣晒，改點了豬頸肉，燒得好香脆，好大碟，厚薄適中，頭尾個件仲要大件d又厚d，唔會乾，好香好惹味。香茅雞翼炸得好金黃，外觀十分吸引，外皮非常之脆，冇過燶，啱啱好，入面剛熟，冇血又唔嚡， 好juicy，香茅好香。鮮菠蘿海鮮炒飯味道一樣咁好味，d蝦大隻，又多青口同魷魚，個炒飯size 啱4個人食，我同老公每人食了2碗半，其實好扺食。泰式乾炒豬肉片河粉個炒河粉幾惹味，幾有鑊氣，唔會好油，豬肉片幾多，豬肉可以炒得再滑啲，不過整體來講，性價比都係高既。