影片
更多
2024-03-22
340 瀏覽
今日同朋友係旺角行街，行行下行左大角咀，平時好少行過呢頭，發現原來都係美食雲集既好地方，經過呢間餐廳知道係食上海野，朋友話呢間餐廳一向好出名，好多人會特登會入黎食，我地反正誤打誤撞黎左，緊係要試一試啦。一入到餐廳見到裝修好中式，燈光亦都非常光猛，見到好多三五知己都過黎食，餐牌勁多唔同款式美食，我同朋友都心大心細左好耐，終於都決定好要食咩！白菜豬肉餡餅白菜同豬肉從來都係非常夾，呢個餡餅完全唔熱氣，而且豬肉份量極多，調味亦都調得岩岩好，加上餡餅重係輕輕煎過，食落熱辣辣架！京燒羊肉平時好怕羊既味，但冇諗過佢完全冇羶味，重非常多肉汁，醬汁調得非常惹味，如果配埋白飯簡直一流！可惜我同朋友已經食到開始飽，佢呢個羊肉份量亦都唔少加！醋溜大白菜食左好多肉之後，我同朋友都想食下菜解油膩，今次特登叫醋溜大白菜，煮得好入味，食落酸酸甜甜，口感層次非常豐富。整體呢間餐廳經常排長龍係有原因架，值得排隊😄
今日同朋友係旺角行街，行行下行左大角咀，平時好少行過呢頭，發現原來都係美食雲集既好地方，經過呢間餐廳知道係食上海野，朋友話呢間餐廳一向好出名，好多人會特登會入黎食，我地反正誤打誤撞黎左，緊係要試一試啦。
一入到餐廳見到裝修好中式，燈光亦都非常光猛，見到好多三五知己都過黎食，餐牌勁多唔同款式美食，我同朋友都心大心細左好耐，終於都決定好要食咩！
白菜豬肉餡餅
白菜同豬肉從來都係非常夾，呢個餡餅完全唔熱氣，而且豬肉份量極多，調味亦都調得岩岩好，加上餡餅重係輕輕煎過，食落熱辣辣架！
京燒羊肉
平時好怕羊既味，但冇諗過佢完全冇羶味，重非常多肉汁，醬汁調得非常惹味，如果配埋白飯簡直一流！可惜我同朋友已經食到開始飽，佢呢個羊肉份量亦都唔少加！
醋溜大白菜
食左好多肉之後，我同朋友都想食下菜解油膩，今次特登叫醋溜大白菜，煮得好入味，食落酸酸甜甜，口感層次非常豐富。
整體呢間餐廳經常排長龍係有原因架，值得排隊😄
張貼
