職人壽司

營業中

休息中

枝豆💚枝豆碌得啱啱熟，唔會話老，枝豆仲係好爽甜，新鮮日本直送係唔同啲，做前菜夠開胃，有啲纖維消化吓啱晒！牛肉他他❤️牛肉本身就係好靚嘅牛肉，煎到好香，表皮好脆，但係牛肉亦都仲係好嫩好腍，好有質感，味道好好，亦都燒咗啲牛肉本身嘅油香出嚟，好惹味，味道濃香！脆炸川海老🧡川海老本身就係細隻嘅蝦，日本運過嚟，原隻蝦拎去炸，炸完之後好脆，成隻就咁食，即叫即炸，好新鮮熱辣，做小食好啱！唐揚炸雞💛炸雞真係做得好好，炸到金黃香脆，就咁睇都已經覺得好脆，一咬就索索聲，咬開仲必左啲雞肉嘅肉汁出嚟，雞肉好嫩滑，雞皮就真係炸得好脆，就咁食已經好好食，再點埋蛋黃醬就更加好味！