影片
更多
2022-09-15
29 瀏覽
尖東呢間小店係呢個旺中帶靜嘅位置，呢度竟然有間食四川風味嘅串燒，食物高質，性價比仲幾高添！我地兩個人叫左一碗粉麵同幾款串燒share黎食，貪心嘅我地咁就可以食到多幾款🥰蒜蓉燒扇貝（2隻）食串燒梗係要食海鮮，用蒜蓉燒好惹味，扇貝大大粒好鮮甜，連裙邊都燒得啱啱好唔會韌！蒜蓉燒鮑魚（2隻）鮑魚界開咗少少令到蒜蓉更加入味，彈牙得黎帶少少煙韌，好新鮮。鹽燒海蝦（2隻）蝦殼燒到脆卜卜，蝦肉鮮甜彈牙，海鹽嘅鹹香滲透入去蝦肉入面，食到海鮮嘅原味道。鹽燒鯖花魚鯖魚好似比一般超市自己買嘅大條，燒到啲魚骨都好脆，連魚肉一齊食落口都唔係好覺，清甜啖啖肉。肉類串燒基本上都係四川口味嘅調味，叫左 五花腩、特選牛仔肉、厚切牛舌心、四川羊肉串、惹味鴨舌、雞軟骨，雖然味道相似，但都唔會蓋過本身嘅肉味，平衡得相當好，特別喜歡鴨舌同雞軟骨，比較有咬口！蒜蓉原條茄子(串）串燒必食菜式之一，燒到好腍，茄子肉好軟熟，蒜蓉、蔥同胡椒粒令到成條茄子好惹味，食到停唔到口！有機菠蘿(串）最後叫左菠蘿做甜點，熱辣辣鮮甜多汁，仲燒到好似有層焦糖喺面頭咁，唔錯！另外都叫左個粉麵B餐（4款配菜＋1粉麵）藤椒湯，大海蜆，牛舌，招牌肥腸，鮮鵝腸，土
我地兩個人叫左一碗粉麵同幾款串燒share黎食，貪心嘅我地咁就可以食到多幾款🥰
蒜蓉燒扇貝（2隻）
食串燒梗係要食海鮮，用蒜蓉燒好惹味，扇貝大大粒好鮮甜，連裙邊都燒得啱啱好唔會韌！
蒜蓉燒鮑魚（2隻）
鮑魚界開咗少少令到蒜蓉更加入味，彈牙得黎帶少少煙韌，好新鮮。
鹽燒海蝦（2隻）
蝦殼燒到脆卜卜，蝦肉鮮甜彈牙，海鹽嘅鹹香滲透入去蝦肉入面，食到海鮮嘅原味道。
鹽燒鯖花魚
鯖魚好似比一般超市自己買嘅大條，燒到啲魚骨都好脆，連魚肉一齊食落口都唔係好覺，清甜啖啖肉。
肉類串燒基本上都係四川口味嘅調味，叫左 五花腩、特選牛仔肉、厚切牛舌心、四川羊肉串、惹味鴨舌、雞軟骨，雖然味道相似，但都唔會蓋過本身嘅肉味，平衡得相當好，特別喜歡鴨舌同雞軟骨，比較有咬口！
蒜蓉原條茄子(串）
串燒必食菜式之一，燒到好腍，茄子肉好軟熟，蒜蓉、蔥同胡椒粒令到成條茄子好惹味，食到停唔到口！
有機菠蘿(串）
最後叫左菠蘿做甜點，熱辣辣鮮甜多汁，仲燒到好似有層焦糖喺面頭咁，唔錯！
另外都叫左個粉麵B餐（4款配菜＋1粉麵）
藤椒湯，大海蜆，牛舌，招牌肥腸，鮮鵝腸，土豆粉
湯底幾特別，好暖胃，得好少好少辣味，反而有少少似偏淡嘅藥膳味道，特別想講餸嘅份量都唔少！幾抵食！
張貼
