影片
更多
2018-01-29
188 瀏覽
假期食完下午茶，係附近(近上海街果頭)間舊式戲院睇完戲，戲飛又抵戲戲院空間又大，邊睇邊傾計都唔會嘈到隔離位，正。睇完見戲，察覺天氣突然轉凍先知天文台話連續9日氣溫會持續10度左右，原本打算食煲仔飯，但行到半路，經過油麻地呢幢大廈，比佢好光猛既街地外牆玻璃吸引(之前放工都成日經過見到2,3樓有食肆,但無幫襯過)，反正驚趕唔切排煲仔飯(條人龍應該要排到2046先有得食)，索性入去發掘下有咩好吔。入到呢幢大廈原來有好多樓上食肆(其時大約6點多大堂唔算多人)，無意比呢間店名『吞pot』引起注意，見佢有得揀打邊、食雞煲或住家菜，兩個人決定食雞煲就殺左上樓。入到鋪發現空間感幾大，可能係佢樓層高一眼望出去係大玻璃望到晒油麻地彌敦道既街景，我地好彩坐到貼近窗邊睇到街景，好開揚，感覺舒服。由是晏晝食完下午茶果餐仲未消化得晒，怕點太多食唔晒，兩個人最後點左個香辣雞煲(半隻, 少辣)、自創爆芝響鈐同埋個時限冰菜。自己混醬個雞煲10分鐘就上枱，打開煲蓋滲出濃濃佐料香味，雞煲份量雖為半隻，但件頭唔少，份量頗多，配料亦多，夠晒兩個人食量。雞煲超入味，雞塊好滑，肉很嫩，每件雞塊都沾滿且滲透晒香辣醬汁既味道，點左少辣
入到呢幢大廈原來有好多樓上食肆(其時大約6點多大堂唔算多人)，無意比呢間店名『吞pot』引起注意，見佢有得揀打邊、食雞煲或住家菜，兩個人決定食雞煲就殺左上樓。
入到鋪發現空間感幾大，可能係佢樓層高一眼望出去係大玻璃望到晒油麻地彌敦道既街景，我地好彩坐到貼近窗邊睇到街景，好開揚，感覺舒服。
由是晏晝食完下午茶果餐仲未消化得晒，怕點太多食唔晒，兩個人最後點左個香辣雞煲(半隻, 少辣)、自創爆芝響鈐同埋個時限冰菜。
自己混醬
香辣雞煲
9 瀏覽
0 讚好
0 留言
個雞煲10分鐘就上枱，打開煲蓋滲出濃濃佐料香味，雞煲份量雖為半隻，但件頭唔少，份量頗多，配料亦多，夠晒兩個人食量。雞煲超入味，雞塊好滑，肉很嫩，每件雞塊都沾滿且滲透晒香辣醬汁既味道，點左少辣非常惹味，刺激味蕾。順帶一提配料洋蔥都好好味，完全吸收晒個醬汁既日月精華，個雞煲超讚噠~
個時限冰菜都好味，表面有類結晶般既透明物, 就似水晶咁痴住條菜，望落幾有趣，每咬一啖都好爽甜多汁，口感特別，冰菜好似只係冬天先有(好似係除非唔係)，配食雞煲一流。
食完雞煲叫侍應加湯打邊，個雞煲變左打邊湯底香味依然濃郁，香辣湯底無變淡依然濃稠。從未食過即制即炸既個爆芝響鈐，上枱時仲係溫熱的，可以就咁食，滋味一流。一碟有6件，都幾大條吓，每人分到3條，我用左3種方法消滅佢:
1. 就咁食，味道一流，可能係因為剛炸上，裡面仲係流芝狀，外層響鈐好酥脆，口感層次豐富，正。
2. 點湯汁，平時食打邊響鈐都係浸一浸大約3-5秒，今次浸3秒左右，響鈐陣皮吸埋個湯汁，半脆味美，好味
3. 不過浸3秒只能維持到個響鈐半脆，要享受到件響鈐既脆極狀，我發現，其實點一秒先係王道，蜻蜓點水點一下個湯底便可，不多停留，就會吸到湯汁同保持佢脆爆既口感，3呢個先係食出滋味既最最最佳方法。
爆芝響鈐
18 瀏覽
0 讚好
0 留言
打邊爐食雞煲又點少得點野飲解渴，點左杯大檸茶($28)，上枱發現大檸好大杯的說，去片望下張比對圖比對一下就知差別，夠飲足全程，28蚊係有因由的。
食前完後一個鐘左右都係7點到埋單，侍應話星期一至日7點半之前埋單&交枱，打邊配料同小食皆半價，最後埋單連埋一加價，真心抵。整體用餐環境感覺良好(枱與枱有一定距離，空間感充足，食物有水準)，如果唔係未消化完晏晝果餐下午茶，今餐雞煲應該會點多啲同試多啲，唯有下次翻兜之時再點過。
張貼
