Outback Steakhouse (東薈城名店倉)

營業中

休息中

口講自己係黃絲，但係發覺自己寫黎寫去都係藍色商店，有種食緊人血饅頭既感覺。今次係outback，老細請食飯就無計啦(發覺自己一定有種種籍口...)。入到去既侍應同座位都係ok既，但係實在太太太多人，排左我45分鍾...如果唔係要食我諗都真係唔會特登排...去得outback一定係食佢個黑糖麵包啦! 每次食之前都有種期待既感覺 因為佢熱辣辣好軟熟既感覺，真係不得不讚。最後3條友食左3個 只要臉皮夠厚 多多都有得你食。但係犧牲既就係你對主食既感覺。我自己就叫左個煙肉帶子白汁risotto，非常唔錯。個帶子煮得岩岩好唔會太老，個risotto有啲車厘茄都開胃既(食到尾略嫌太多)。其實唔止車厘茄，係成個飯都多，食左一半就覺得好飽 唔係一般既飽。因為個飯真係好膩，為左唔浪費食物最後都係食哂佢，但係膩到想嘔呢種感覺一啲都唔好受。食黑糖包既代價實在太大。