茶軒 (菲林明道)

營業中

休息中

今日同同事出左去食lunch。見呢間台灣菜都幾多人等外賣，但試完覺得麻麻地。首先佢地係QR code 落單嘅，我嘅同事要求又比較多，有啲就話少汁少飯，有啲要多汁多飯多青，有啲就多汁少飯走青。我自己就冇點特別調整。最後啲飯嚟到嘅時候都唔係跟足要求。叫少飯少汁嘅份量好似仲多過叫多飯多汁嘅。小菜又俾錯左。我就好好彩上菜嘅時候冇問題。滷蛋肉燥雞絲飯一個set 有飯，小菜，貢丸湯同嘢飲。肉燥幾入味，雞絲係連皮嘅，整體味道唔算突出。但我幾鍾意佢嘅小菜會送啫喱，同埋烏龍茶都唔錯，係用茶葉而唔係茶包沖泡。