茶軒 (菲林明道)

要求落單時，但職員態度10分惡劣，最後遲咗15分鐘才下單我叫三杯雞，但竟然遲到嘅客人會快過我上，完全冇落單又冇唔講唔好意思簡直不知所謂，難怪而家啲同事都唔過嚟食，明明已經講清楚要落單，但係都係唔睬人結果就搞到好似仲有啲嘢越嚟越貴，轉個米粉要加$5 ，如果可以都盡量唔好嚟呢間食，眼見喺旺嘅時間都可以咁多吉枱證明都應該真係好差，所以灣仔嘅居民工作人員真係唔好再嚟呢間店舖了，再加上呢度嘅職員已經係越嚟越差態度奇差…查看更多

時日係熱辣辣的上班日，同同事講開見到有成塊面咁大的雞排，就特登黎Odeon Cafe茶軒食，場內坐得怡人，無壓力慢慢嘆。點單好方便，都係微信掃碼直接下單。同事叫左個糖醋魚柳，魚柳酥香冇腥，外層粉漿唔厚，食得出啲油好乾淨。糖醋醬酸酸甜甜超開胃，送飯一流。白飯仲有台式滷肉肉燥，飯粒乾身不黏，仲有半隻醬油蛋！成份飯組合齊全，食完真係滿足！我最心儀的超大大雞排出場！炸雞排擺出嚟真心「大大嚿」！size贏晒！皮薄炸粉唔會太厚，咬落外脆內嫩，啖啖肉汁，完全冇雪藏味。米粉湯底清，配埋台式滷蛋、蔬菜，好heavy又唔膩。加埋同樣既小食三寶：花生、青瓜、木耳，成件事好滿足！飲品我叫左個胚芽珍珠奶茶，奶茶香滑，唔會死甜，珍珠煙韌有咬口，飲落真係即刻返台灣旅行feel。Odeon Cafe坐得幾寬敞，裝修走簡約台式風格，有啲似台北cafe。店員親切唔會催人急走，可以成班同事慢慢食慢慢傾～成餐飯性價比高，有飯有麵有小食有飲品，味道同質素對辦。最欣賞糖醋魚柳同牛腩麵，實在唔輸俾出面老字號！雞排size贏晒，珍珠奶茶都唔會好假～最重要係坐得舒服，唔逼人走，真係可以hea足半日！補充：最近再食既時候感覺雖然份量不變，但價錢悄悄地加左1-2%，仲有加一…查看更多

以前食過lunch覺得ok 趁放早去食個下午茶當Early Dinner～ 其實佢既Lunch Set 同 Tea Set 比較 只係Lunch Set多左1碟3款既涼拌小菜 同Lunch貴d 其他無分別～Happy Friday既Weekday Tea Time 比想像中少人⋯希望間店靠Lunch既收入都撐得住啦😮‍💨講返個下午茶套餐 酥炸排骨配滷蛋肉燥飯 跟 胚芽珍珠奶茶少甜少冰野飲要少冰 所以唔滿 要少甜 所以就會少左黑糖珍珠 但胚芽份量比以前飲開既少左 其他都正常發揮 味道不過不失野食 本身係揀台灣麵既 但來左肉燥飯 個時諗住費事浪費食物 照食就算 後來埋完單走埋先醒起 我要台灣麵係要加多$5的 下次都係要如實反映 唔換過都幫我改返單 唔好蝕俾佢😥 酥炸排骨好食既 因為人少 所以唔會好似Lunch Hour咁務求快d出餐 炸定一堆擺低 擺到凍哂 今次真係剛炸起 新鮮滾熱辣 勁脆 滷蛋、肉燥、白飯 一定係預先製好 有客要就裝 溫度就 剛好溫 但我唔好食勁熱 所以ok整體而言 都係正常普通台式料理 而且呢個Tea Set都唔平 轉食麵又加$5 轉食滷蛋肉燥又加$10 轉飲珍奶又加$12 都幾🤑💸 間唔中食1、2次就還好啦😅…查看更多

講起茶軒，其實都有好多年冇食，記得以前佢有好多分店，間中都會去食個下午茶 但近年可能太多其他台式嘅餐廳競爭，發現原來茶軒淨返一兩間，嗰日見到諗起好耐冇食就入去試下。呢間茶軒位於灣仔，佢個裝修都好光猛，用左落地玻璃，好多自然光可以透到入去，同埋個格局亦都唔會覺得好逼，坐得好舒服，個樓底好高感覺好寬敞，唔會覺得好逼夾。order咗佢呢一個糖醋雞件拼滷肉飯，除咗主菜，佢仲配搭咗其他青瓜、雲耳、花生嘅前菜，仲有一個貢丸湯，同埋佢個滷肉飯配咗半隻鹵蛋，成個餐擺出嚟都覺得好有誠意， 同埋佢個主菜份量都好多。佢個雞件入面好滑，表面都炸得好脆，同埋佢個滷肉飯，唔係好似台灣嗰種好多肥肉嘅滷肉，佢地個肥肉嘅比例係比較少，好迎合到香港人追求健康嘅口味。👍🏻👍🏻👍🏻晚餐 送一杯嘢飲，我揀咗蜜桃烏龍，佢係一個冷泡茶，無糖，飲落呢又淡淡嘅桃香， 清清地 ，完呢個糖醋雞件飲返個茶就解咗啲油膩嘅感覺咁。👍🏻👍🏻…查看更多

今天在灣仔購物完，周圍找找吃的，路過一間小店，見門口介紹台式套餐，便進門試試。點了招牌府城牛肉麵及超大大鷄排鹵肉飯，鷄排皮很脆，夠乾身不太油，味道好，鹵肉肥肉也不太多，啱我口味。牛肉也炆得很淋，麵也軟硬適中。整體感覺不錯，會再來。👍…查看更多

平時經過見佢都要排隊，今日行過就唔使等，所以就同同事揀咗佢一般嘅台式飲品都需要加錢，見人哋隔籬枱嘅珍珠奶茶都幾大杯，下次有機會可以試吓一開始見到以為係午餐餐牌，後尾見到佢係台式全日餐，款式都有好多，所以我哋全部都揀咗廚師推介。超大雞扒配滷肉飯同事就將飯揀咗做米粉，啲米粉索晒啲湯嘅味夾起嘅時候已經唔係白色。雞扒好大塊，而且唔係好肥，亦都食起上嚟非常鮮嫩。如果有人味道唔夠，仲可以加啲豉油佢好貼心咁樣有埋前菜同配料。相反，呢個度小月海味泡飯就比較遜色，入面嘅海味其實應該係乾嘅柴魚，之後我就搵唔到其他配料，如果比較挑食嘅人就唔建議選擇依個。不想嚟嘅時候有啲飯仲黐住一嚿～但係就肯定夠飽肚。備注一下佢嘅餐牌係電子落單，飲品冇得叫凍飲，但係因為係膠杯所以飲唔晒可以拎走之後仲可以攞返去沖多幾次，除咗餐牌上面嘅價錢，佢仲要收取加一服務費…查看更多

呢間位於灣仔菲林明道既台式食店茶軒，供應台式食物，店舖闊落坐得舒服。今日早餐時份經過，忘記睇下餐牌就入內光顧。手機落單，殊不知餐牌上無甚吸引到我的。那就隨便點了個三拼麵餐吃吃就算，都沒什麼期望。選了有點台式既貢丸、花枝丸，還有煎蛋，配辛辣麵。呢餐平凡過平凡，普通一餐，唔啱口味，沒什麼特出好寫。[米饭]口味：🥚🥚🥚[薄荷]环境：🥚🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

二度幫襯，主要貪佢地點方便，午餐時間唔算多人，又坐得耐。最重要係再黎探返我最中意的雞排。超大大雞排配米粉（$83）🍗呢個真係要大力推介！個雞排真係有成塊面咁大！炸得外皮好酥脆，入面嘅雞肉仲好嫩滑多汁，熱氣騰騰，咬落去 “咔嚓” 一聲，好滿足🥰。今次改配嘅新竹米粉都唔錯，吸收咗雞排嘅香味，又可以自我安慰咁去左少少滷肉的油分（哈），再加埋配菜，食完整個餐都好飽肚。如果大家嚟呢度，一定要試下呢個超大大雞排，保證唔會失望！胚芽珍珠奶茶（走甜，配餐價$12）🥤上次見朋友叫，今次特登叫咗熱胚芽珍珠奶茶走甜版試下。珍珠煙韌有咬口，胚芽增加咗一份獨特嘅香味，茶底濃郁，即使走甜都好有味道，唔會太淡。招牌府城牛肉麵（$78）🥩朋友叫左呢個牛肉麵，一上台個香味已經撲鼻而來🤤。牛肉燉得好淋，咬落去啖啖肉香🥩，而且份量唔少。湯底好濃郁，應該係用咗好多香料同時間去熬製，味道好有層次。麵條亦都好有咬口，掛住濃郁嘅湯汁，每啖都好過癮。配菜就比我多一款花生🥜、其他同樣係黑木耳同青瓜🥒，爽口又解膩，好正！配上冷凍麥香烏龍，好味又滿足。糖醋魚柳滷肉飯（$82）🐟朋友二號揀糖醋魚柳，份量多到最後朋友只食係曬d 餸🤣。滷肉飯上面鋪滿咗香軟嘅滷肉碎，仲有半隻滷蛋🥚，滷肉味道調得好平衡，唔會太咸又好香。搭配嘅糖醋魚柳真係一大亮點！魚柳炸得金黃酥脆，外面嘅糖醋汁酸酸甜甜，好開胃😋。每啖魚柳都外脆內嫩，同滷肉飯一齊食，簡直係絕配。最後加一收費，埋單人均94。價錢合理。…查看更多

見到這間餐廳外的落地玻璃，經過誤以為好高級，原來係台式餐廳 ，而且仲幾抵食 。餐牌上面有好多選擇，我叫咗個雞扒肉燥飯。嚟到發現好大份！雞扒外脆入面唔柴，肉燥係粒粒肉唔係得汁 。另外隻蛋、個肉丸湯、小食同甜品都增加咗佢的性價比 。仲有支茶！飲唔哂可以成支拎走，唔會做大嘥鬼 。…查看更多

第二次嚟呢度食午餐，上次揀咗招牌雞扒，其實就覺得一般，但見佢成日都好多人，又算光猛舒適，所以決定比多次機會佢🤣今次揀左酥炸排骨配滷肉飯，不過我就+$5 轉配咗米粉 ，飲品揀咗熱嘅胚芽珍珠奶茶🥰。今次既食品同飲品都好食！酥炸唔會炸過龍，豬扒仲juicy的，不會太乾，也香口。見到隔籬枱叫咗肉燥米粉，所以我又跟住叫🤭 湯底濃淡適宜，都唔錯，朋友係揀肉燥飯，佢都話好食。至於飲品，佢跟餐就有杯茶的。但我同朋友都揀左 +$12轉特飲。飲品選擇有好多，整體凍飲賣相靚過熱飲好多！推薦想打卡的人揀凍飲🤣 至於我杯胚芽珍珠奶茶🧋，都好香好好飲的，我仲揀左走糖🤭飲得好開心、無負擔🥳埋單大概每人$100，考慮番份量，都唔係話特別平。見佢大概12:30起要排隊，我覺得要排隊黎講唔算好值🤔 但今次個餐都算好食，如果唔洗排隊大家可以試下😆…查看更多

本身想食米線但1點半到見到仲有條長龍即刻唔想食,咁啱又掛住台灣,飯脚帶我去呢間😲今日真係想食麵,所以加$5轉麵,拼酥炸排骨,排骨啱啱炸起都肉嫩多汁入味唔會太熱氣麵條就正常發揮咁,加咗$叫咗杯熱朱古力珍珠,驚飲唔晒加埋外賣杯,我覺得杯嘢飲係幾正😚甜度韌度啱晒我😆 飯腳的新竹米粉好多,食唔晒P.S.不過我覺得性價比冇其他店咁高,佢有加一,定其他鋪頭太好?🤣 外賣價錢又好唔同🤔…查看更多

一入到間餐廳覺得好寬敞，令人有舒適嘅感覺。當入座嘅時候，本身好多座位，佢想安排我哋坐門口嘅位置，咁多位唔畀係要畀門口位 都唔知咩員工嚟㗎，呢件事我都算喇 我哋揀入面嗰張八人枱，嗰個女員工仲大條道理話：「入面嗰張台滴水喎！」我心諗：滴水你唔處理，仲要話滴水喎。隔咗一陣，我哋坐低已經落完單喇，嘢食送嚟嘅時候 嗰個女員工又要扮大隻 一個人拎曬兩盤嘢 仲要話：「我可唔可以擺低呀？」我心諗：唔可以喎，唔夠力就一盤一盤拎啦！講到食物，佢啲雞根本冇用過蛋漿去炸，淨係不停用炸粉，啲皮仲厚嗰啲肉，啲雞又冇味 真係令我大失所望整體：呢間餐廳啲環境係ok嘅，服務就差啲lor，食物還可以啦。大家去呢間餐廳食嘢，都要「三思而後行」呀😿😿😿😿😿「一試無妨，再試投降，諗起都寒」…查看更多

外賣自取回家，兩杯咖啡均只有3分1，拿回去餐廳查詢，他們說以前同事弄錯，還叫我自行倒進餐廳杯子試試。餐廳採購人員為何不採購expresso杯子？那麼3分1的咖啡應該會滿到漏出。。。。。。。。。。。。。。。。。。。。。。。。。。。。。。。…查看更多

今日去完書展經過地鐵站附近見到呢間台式餐廳，於是決定入去醫肚食晚餐。我哋叫咗兩份台式全日餐，每份包括台灣小食、主食、同台灣冷泡茶。台灣小食：有黑木耳、拍青瓜、辣菜脯。如果叫飯餐仲送餐湯，今晚送嘅係花枝丸湯。主食：台客滷蛋肉燥飯$68肉燥飯份量十足，有好多醬汁。加上入味嘅滷蛋，成碗飯清晒冇難度，撈埋附送嘅辣菜脯一齊食，口感更加豐富更加惹味。糖醋魚柳配滷肉飯$82魚柳配埋洋蔥、三色椒、菠蘿，酸酸甜甜，魚柳外脆內嫩，炸漿唔厚，魚柳份量多之餘都好開胃。飲品：跟餐有一樽台灣冷泡茶，另外一款我哋轉咗招牌黑糖系列(加$12) - 黑糖珍珠奶茶，可以自己選擇甜度、冰量、奶量，大大杯過足口癮。餐廳空間好大，有好多座位。位置亦都好方便，好近地鐵站。好難得晌灣仔有咁寬敞舒適嘅餐廳，而且食物、飲品都好多選擇，樣樣都想食，價錢又合理。員工雖然人數唔多，但服務好周到，好有禮貌。上菜速度亦都好快，但唔會催你埋單，慢慢坐都冇人趕。一邊食一邊聽住背景音樂，好似置身台灣一樣。…查看更多

晚餐肉燥排骨飯$78+$12（轉珍珠奶茶）+加一服務費覺得份量小，唔知係咪太肚餓定係餐廳煮唔切飯，因為當晚七點幾已經聽到職員向其他客人講冇曬飯，只有麵，飯同肉燥都比較少，排骨乾身（有4塊）。跟餐有個小食（青瓜+雲耳+醬汁）+湯（湯入面有半粒花枝丸）黑糖珍珠奶茶冇乜特別，正常，但珍珠就唔係一粒粒，唔可以每一啖都食到珍珠，珍珠痴埋晒，需要改善。而且希望餐廳正視冷氣機滴水問題，當晚用餐時都不停滴水😞…查看更多