炙・宴 (The LOHAS康城) (已結業)

熱辣辣和牛豚肉鍋🌟🌟🌟🌟🌟去康城溜完冰覺得好肚餓，打算食熱辣辣既火鍋獎勵飢腸轆轆既自己。呢間鋪主打日本食材，招牌菜係和牛。我地兩個人嗌左一份和牛豚肉鍋，一份和牛豚肉蓋飯。對比起蓋飯，火鍋要出色得多。火鍋有蘿蔔，魔芋絲，豆腐，豬肉，牛肉同埋茼蒿菜，配上壽喜鍋甜甜既湯汁，再粘上蛋液，食落口真係非常滿足啊。蓋飯既牛肉煮過頭，鞋咗小小，冇乜肉汁，唔夠 juicy。買單兩人370蚊。