NOJO

營業中

休息中

今次嚟到一間我覺得算偏門嘅餐廳 偏門嘅意思唔係因為個地方 ,佢其實喺蘭桂坊一直行上去 不過呢邊大家可能都只係黎飲嘢好少嚟食嘢 但係算幾有驚喜嘅一餐嚟之前都有睇過主要係食拉麵同日本嘢 當然唔少得嘅就係飲酒啦 我哋試咗佢比較出名嘅拉麵 分別係蝦麵豉湯同埋醬油拉麵 其實中環食拉麵嘅舖頭有好多 而且唔同價錢都有 今晚食呢間屬於中上價錢 蝦麵豉湯個湯底好濃 而且幾特別 同其他用麵豉湯嚟做底嘅拉麵比較 算幾有特色 不過食拉麵冇半熟蛋始終差少少 至於醬油拉麵 同外面比都有好大分別 好多時都係食叉燒拉麵 但係今次嘅肉食係一隻雞髀 都幾好食好軟淋 而且好入味 不過湯底就一般 湯頭飲落冇乜味 淨係得個鹹字 飲唔出用咩煲 不過要提一提 舖頭有好多唔同種類嘅日本燒酒可以飲， 亦都有好多cocktail 但今晚我哋就飲咗幾款啤酒 亦都算不過不失 舖頭有室內同室外兩部分 ，室外去飲嘢氣氛唔錯 而且都有好多位選擇 不過如果天氣凍嘅話就差少少啦 至於室內就啱成班朋友坐低慢慢食慢慢飲 啲裝修都幾有氣氛 暗暗地幾有情調 都幾適合傾計 我哋坐BAR枱 本身諗住叫 waiter 幫手影張相 跟住佢話佢好忙唔得閒 唯有自己自拍