稻香 (青衣城1)

營業中

休息中

稻香（青衣城）啱啱過咗新年，終於可以同大家分享吓其中一餐好惡劣嘅團年飯。因為要就長輩咁所以就喺青衣城度食，終於明白點解夜晚都冇人排隊。孖寶B $268包上湯龍蝦伊麵同半隻脆皮吊燒雞上湯龍蝦伊麵味道中規中矩，龍蝦伊麵第一次食蝦殼多個麵，每人得一啖麵仔。半隻脆皮吊燒雞燒雞外皮都脆嘅，入面冇乜味。三和菜 $268包三道菜包紅炆斑頭腩（冇影到）、豉椒炒蜆同蠔皇螺片北菇扒生菜，味道真係中規中矩。好食小小係蠔皇螺片北菇扒生菜，蠔油汁浸滿生菜都叫做幾好食。豉椒炒蜆真係好黐線，成碟嘢冇乜肉全部都係殻，雖然3尾餸嚟講價錢唔貴，但相信出去大排檔都唔會係呢個質素，所有小炒冇鑊氣。我例牌稻香燒鵝王$98大碟，有花生做配料。瑤柱蛋白炒飯（冇影到） $128冇鑊氣，但份量都夠。我明白呢個價錢六個人食，要求唔可以太高。但係有啲餸殻多過肉，然後小炒全部冇鑊氣，建議真係唔好再過嚟食，去大排檔可能仲開心啲。另外最致命傷嘅係職員真係太西，叫佢幫手收碟，好似欠咗佢咁，10世都唔理你，兜口兜面俾個碟佢都可以唔應，仲要收+1服務費，好kick。