一樂燒鵝

營業中

休息中

題外話/補充資料： 帶着一位外來的親友，到這間所謂香港出名的燒鵝店，晚上六時多到，3個人一心打算叫半隻燒鵝再加其他東西來吃, 本不打算吃粉/飯等飽肚嘢。 當時已經沒人排隊即時有位坐，我哋一坐下個侍應就站在旁邊問食乜，我哋話先叫半隻燒鵝，個侍應就話燒鵝賣晒了，併盤就有，咁我拿了餐牌來看。不到幾秒個侍應又催"食乜", 我話看看先轉頭先點，我哋第一次來，除了焼鵝唔知食乜好，個侍應死都唔走繼續在旁邊催，不停話快d啦。 其實餐牌都係d焼味碟頭飯類，咁唯有求其點燒鵝飯及叉雞飯，點知個侍應又好呼喝咁話"都話冇飯lok", 其實佢跟本冇同我哋講過，我哋3個人6隻耳都冇聽到，算了，咁就由飯改為瀨粉，順便加2杯凍飲。 後來發現張單好似寫貴咗，明明飲品跟餐係8蚊杯，佢寫咗15x2, 咁我問點解，個侍應好悔氣咁話冇錯係咁走咗。 我哋唯有問老闆娘 (係有禮貌的問），點知老闆娘態度更惡劣，大力拍單在枱上說唔好問我啦，再追問點解，佢終於用極惡劣的語氣說3個人食兩個餐係咁，唔鐘意就唔好食，但都係冇詳細解釋，後來發現佢收銀櫃前少少有寫"午市人均最低$40"，但我們坐的用餐位置是看不到的，而且我們一坐下就不停被那侍應催落單，跟本沒時間看其他東西，我們一邊吃，一邊被老闆娘由收銀櫃向我們坐最入的位置破口大罵, 是罵不停口, 我們請她停她都不停。如果不是為那位外來親人要吃這間出名店，我早就走人了。 其實不是那十元八塊錢的問題，是沒有解釋就亂罵客人的惡劣問題，一邊吃一邊被罵，食龍肉都冇味。而且當時已經是晚上六時多，是晚市了，絕不是午市，那個最低收費標貼跟本並不適用。 這樣做生意，簡直影衰香港食肆，影衰香港人。