MONMONO (已結業)

成間餐廳以藍色為主調，好有意大利法國風情，非常之有情調，影吓相打吓卡都好靚！😸超級龍蝦湯😸一個好吸睛嘅龍蝦湯，真係有一隻淡水小龍蝦喺度，成個湯本身好稠，亦都好滑，質地好好，好香濃，龍蝦味滿滿呀！😻澳洲和牛牛三角😻和牛肉質本身都鮮嫩，加上牛三角既部位，肉質更好！牛三角肉係牛臀腿內腿肉既部位，係油花較多嘅部位，口感軟硬適中，肉味好濃，燒到邊位有啲焦香，就咁食都好好食，再點啲燒汁/同配菜去食就更加豐富！😽XO醬鮑魚海鮮燴意粉😽第一次食用XO醬去煮嘅意粉，有啲fusion嘅感覺，但係原來味道又幾好，好惹味，用XO醬去煮嘅鮑魚同海鮮都好鮮味，辣辣地，成個配搭都好好！