影片
2023-02-11
92 瀏覽
尖沙咀情人節 fine dine 精選finally its happy friday~~~ 呢間喺樓上鋪既 Amina 見佢評論度都好高，所以今次專登去試佢地既情人節speical set 📍餐廳自家製麵包：3款口味嘅餐包，我最鍾意個番茄香草包，有濃郁香草味之餘，包嘅質感較鬆軟，配埋手工嘅牛油就更好味。📍波爾多牛肉他他/法國鵪鶉蛋/ 普羅旺斯黑松露牛肉他他經已混入黑松露，表面鋪滿鮮味十足嘅黑魚子，最後仲有大廚會席前即刨新鮮黑松露，令整道菜嘅貴氣提昇不少。📍紅蝦/椰菜花mousse/ 黑醋汁 /甘筍片用咗西班牙紅蝦，紅蝦味道鮮甜，口感軟嫩，亦帶點爽口，配埋黑醋汁更能突出蝦肉嘅鮮甜，配菜有用椰菜花做嘅慕絲同埋高級嘅魚子醬。📍切羅基番茄清湯/原種番茄忌廉濃湯/蕃茄燉蛋兩款一青一紅番茄，分別黎自西班牙同印度尼西亞，青色就用嚟做清湯番茄味更加清新，紅色就配埋忌廉做為濃湯，將其倒入番茄燉蛋之中，湯同燉蛋一齊食，口感味道都得以提升，番茄味會更濃。📍八爪魚用香煎方法處理，口感仍然做得軟腍，而配埋檸檬辣油作調味，令八爪魚多添一份惹味。📍煙燻蘋果木油封鴨髀/芝士泡沫/茄乾油經過油封嘅鴨髀肉鮮嫩多汁，脆
finally its happy friday~~~ 呢間喺樓上鋪既 Amina 見佢評論度都好高，所以今次專登去試佢地既情人節speical set
📍餐廳自家製麵包：3款口味嘅餐包，我最鍾意個番茄香草包，有濃郁香草味之餘，包嘅質感較鬆軟，配埋手工嘅牛油就更好味。
📍波爾多牛肉他他/法國鵪鶉蛋/ 普羅旺斯黑松露
牛肉他他經已混入黑松露，表面鋪滿鮮味十足嘅黑魚子，最後仲有大廚會席前即刨新鮮黑松露，令整道菜嘅貴氣提昇不少。
📍紅蝦/椰菜花mousse/ 黑醋汁 /甘筍片
用咗西班牙紅蝦，紅蝦味道鮮甜，口感軟嫩，亦帶點爽口，配埋黑醋汁更能突出蝦肉嘅鮮甜，配菜有用椰菜花做嘅慕絲同埋高級嘅魚子醬。
📍切羅基番茄清湯/原種番茄忌廉濃湯/蕃茄燉蛋
兩款一青一紅番茄，分別黎自西班牙同印度尼西亞，青色就用嚟做清湯番茄味更加清新，紅色就配埋忌廉做為濃湯，將其倒入番茄燉蛋之中，湯同燉蛋一齊食，口感味道都得以提升，番茄味會更濃。
📍八爪魚
用香煎方法處理，口感仍然做得軟腍，而配埋檸檬辣油作調味，令八爪魚多添一份惹味。
📍煙燻蘋果木油封鴨髀/芝士泡沫/茄乾油
經過油封嘅鴨髀肉鮮嫩多汁，脆皮帶微甜，經過蘋果木嘅煙燻，為鴨肉注入一份蘋果木嘅清香。最尾再嗎鴨髀加上茄乾油，會更加美味。
📍熱情果雪葩/紅石榴泡沫
這款用熱情果所做嘅雪葩，再搭配上一層蓬鬆的紅石榴泡沫，味道清新又清甜，用嚟清一清口腔嘅味道就最好。
📍慢煮BBQ豬柳/烤紅甜椒醬/茴香苗/牛油蠶豆/陳年黑醋
豬柳肉質鮮嫩多汁，搭配上獨特的BBQ醬，味道惹味。而用慢煮嘅方法能將肉質變得更有韌性，而再配埋烤紅甜椒醬、茴香苗、牛油蠶豆、陳年黑醋等，令味道口感都更加豐富。
📍蘋果木煙燻香煎尖吻鱸魚/脆炸辣肉腸薯波/黑魚子
經過香煎嘅尖吻鱸魚外皮香脆，魚肉保持嫩滑多汁，做到外脆內嫩嘅口感，而因為用上蘋果木煙燻，所以魚肉都會帶點蘋果木嘅清香。而配菜仲有脆炸辣肉腸薯波同埋黑魚子。
📍法式焦糖豆腐燉蛋
望落好似法式焦糖燉蛋，但食落都有啲似，有香脆嘅焦糖、嫩滑嘅燉蛋，但佢哋仲喺燉蛋中添加咗豆腐，令燉蛋多添一份豆香同埋微淡嘅薑汁香味。
📍柚子雪糕/燒香蕉：
喺香脆嘅薄片入面有清新怡人嘅柚子雪糕，同埋有經過火燒嘅香蕉，甜度適中，口感好獨特。
📍Petit four 一口甜點
好靚嘅擺盤，仲用好多嘅乾冰做到煙霧彌漫嘅感覺，而入面係有菠蘿汁嘅綿花糖同埋數款不同口味嘅朱古力。
#大口在尖沙咀#尖沙咀美食#打卡餐廳#打卡美食#情人節大餐#情人節晚餐
#topcitybiteshk#hkfoodie#hongkongfood#hongkonger#hkrestaurant#hkfood#hkig#like4like#followme#photooftheday#foodoftheday#ufoodphoto
查看之前的留言 ()
張貼
